ସିଡନୀ: ତୃତୀୟ ଟି-20 ବା ଶେଷ ଟି-20 ମ୍ୟାଚରେ ଧିମା ବୋଲିଂ ଯୋଗୁଁ ଭାରତୀୟ କ୍ରିକେଟ ଟିମକୁର 20 ପ୍ରତିଶତ ମ୍ୟାଚ ଫିସ ଜରିମାନା କରାଯାଇଛି। ଆଇସିସି ମ୍ୟାଚ ରେଫରି ଡେଭିଡ ବୁନ୍ ଭାରତୀୟ ଦଳ ଉପରେ ଏହି ଜରିମାନା କରିଛନ୍ତି। ଗତ ମଙ୍ଗଳବାର ଭାରତ ଓ ଅଷ୍ଟ୍ରେଲିଆ ମଧ୍ୟରେ ତୃତୀୟ ଟି-20 ଖେଳା ଯାଇଥିଲା। ଏହି ମ୍ୟାଚରେ ଭାରତ 12ରନରେ ପରାଜିତ ହୋଇଥିଲା।
ଆସିସି କୋଡ ଅଫ କଣ୍ଡକ୍ଟ ଅନୁଚ୍ଛେଦ 2.22 ଅନୁଯାୟୀ ଭାରତ ଉପରେ ଜୋରିମାନା କରାଯାଇଛି। ଏହି ଅନୁଚ୍ଛେଦ ଅନୁଯାୟୀ ଭାରତ ଟି-20 ସିରିଜର ଶେଷ ମ୍ୟାଚର ଓଭର ରେଟ ଅପେକ୍ଷାକୃତ କମ ରହିଥିଲା। ଫଳରେ ଏହି ମ୍ୟାଚ ଖେଳିଥିବା ସମସ୍ତ କ୍ରିକେଟରଙ୍କ 20 ପ୍ରତିଶତ ମ୍ୟାଚ ଫି ଜୋରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି ମ୍ୟାଚ ରେଫରି ଡେଭିଡ ବୁନ୍। ଏହାକୁ ଆଇସିସି ପକ୍ଷରୁ ଏକ ବିଜ୍ଞପ୍ତି ଜାରି କରି ସୂଚନା ଦିଆଯାଇଛି।