ସିଡନୀ: ଭାରତ ଓ ଅଷ୍ଟ୍ରେଲିଆ ମଧ୍ୟରେ ହୋଇଥିବା ଦ୍ବିତୀୟ ଦିନିକିଆରେ ମଧ୍ୟ ପରାଜିତ ହୋଇଛି ବିରାଟ ବାହିନୀ । ତେବେ ଏହି ମ୍ୟାଚରେ ଜଣେ ଭାରତୀୟ ଫ୍ୟାନ ବିଜୟୀ ହୋଇଥିଲେ । ମ୍ୟାଚ ମଝିରେ ପାଭିଲିଅନରୁ ଏକ ରୋମାଣ୍ଟିକ ଦୃଶ୍ୟ ଦେଖିବାକୁ ମିଳିଥିଲା । ଜଣେ ଭାରତୀୟ ଫ୍ୟାନ ଜଣେ ଅଷ୍ଟ୍ରେଲିୟ ଫ୍ୟାନଙ୍କୁ ପ୍ରେମ ନିବେଦନ କରୁଥିବା ଦେଖିବାକୁ ମିଳିଥିଲା । ଯୁବକଙ୍କ ପ୍ରେମ ନିବେଦନକୁ ଅଷ୍ଟ୍ରେଲିୟ ଯୁବତୀ ଜଣକ ସ୍ବିକାର ମଧ୍ୟ କରିଥିଲେ।
ଗତକାଲି (ରବିବାର) ଭାରତ 390 ରନ ବିଜୟ ଲକ୍ଷ୍ୟ ପିଛା କୁରଥିଲା । 20 ଓଭର ବେଳକୁ ଭାରତ 2ଟି ବହୁମୂଲ୍ୟ ୱିକେଟ ହରାଇ 126 ରନ କରିଥିଲା । ଭାରତ ମ୍ୟାଚ ଜିତିବ କି ହାରିଯିବ ସେନେଇ ଚିନ୍ତାରେ ଥିଲେ ଭାରତୀୟ ଫ୍ୟାନ । ତେବେ ଅଧା ମ୍ୟାଚରେ ଭାରତୀୟ ଫ୍ୟାନ ଜଣକ ଅଷ୍ଟ୍ରେଲିୟ ଫ୍ୟାନଙ୍କ ହୃଦୟକୁ ଜିତି ନେଇଥିଲେ। ଏହି ଦୃଶ୍ୟକୁ ପାଭିଲିଅନରେ ଥିବା ଅନ୍ୟ ଭାରତୀୟ ଓ ଅଷ୍ଟ୍ରେଲିୟ ଫ୍ୟାନମାନେ ନଜ କ୍ୟାମେରାରେ କୈଦ କୁରଥିବା ଦେଖିବାକୁ ମିଳିଥିଲା ।