ମୋହାଲି: ଆଜି(ଶୁକ୍ରବାର) ଆଇଏସ ବିନ୍ଦ୍ରା PCA ଷ୍ଟାଡିୟମ ମୋହାଲିରେ ଖେଳାଯାଉଛି ଭାରତ ଓ ଶ୍ରୀଲଙ୍କା ମଧ୍ୟରେ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ । ପ୍ରଥମ ମ୍ୟାଚ୍ରେ ଟସ ଜିତି ଭାରତ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ବେଳେ ଲଞ୍ଚ ବ୍ରେକ୍ ସୁଦ୍ଧା ୨ ୱିକେଟ ହରାଇ ୧୦୯ ରନ୍ କରିଛି ।
ଭାରତ ମ୍ୟାଚ ଆରମ୍ଭରେ ପ୍ରଥମେ ଦମଦାର ଆରମ୍ଭ କରିଥିଲା । ଅଧିନାୟକ ରୋହିତ ଶର୍ମା ୨୮ ବଲ୍ରେ ୨୯ ରନ୍ କରିଥିବା ବେଳେ ମୟଙ୍କ ଅଗ୍ରୱାଲ ୪୯ ବଲ୍ରେ ୩୩ ରନ୍ ଯୋଡ଼ି ଆଉଟ୍ ହୋଇଥିଲେ । ଭାରତ ୧୦ ଓଭର ମଧ୍ୟରେ ୫୦ରନ କରିଥିଲା । ମାତ୍ର ଲଞ୍ଚ ବ୍ରେକ ସୁଦ୍ଧା ଭାରତ ୨ ୱିକେଟ ହରାଇ ୧୦୯ କରିଛି । ବ୍ରେକ ପୂର୍ବରୁ ଭାରତ ୧୫ଟି ଚୌକା ମାରିଥିବା ଦେଖିବାକୁ ମିଳିଥିଲା ।