ହାଇଦ୍ରାବାଦ: ଏଜବଷ୍ଟନରେ ଚାଲିଥିବା ଭାରତ ଇଂଲଣ୍ଡ ବିପକ୍ଷ ପଞ୍ଚମ ଟେଷ୍ଟର ଆଜି ତୃତୀୟ ଦିନ । ଆଜି ତୃତୀୟ ଦିନ ଖେଳରେ ଇଂଲଣ୍ଡ ୨୮୪ ରନ କରି ଅଲ ଆଉଟ ହୋଇଛି । ଇଂଲଣ୍ଡ ପକ୍ଷରୁ ଜନି ବେୟାରଷ୍ଟୋ ଶତକ ହାସଲ କରିଛନ୍ତି । ଶତକ ହାସଲ କରି ଇଂଲଣ୍ଡର ସମ୍ମାନ ରକ୍ଷା କରିଛନ୍ତି ଜନି ବେୟାରଷ୍ଟୋ । ଜନି ବେୟାରଷ୍ଟୋ ୧୪୦ ବଲରୁ ୧୪ ଟି ଚୌକା ୨ଟି ଛକା ମାରି ୧୦୬ ରନ କରି କୋହଲିଙ୍କ ଦ୍ବାରା କ୍ୟାଚ ଆଉଟ ହୋଇଛନ୍ତି ।
ସେହିପରି ଜୋ ରୁଟ ୬୭ ବଲରୁ ୪ଟି ଚୌକା ମାରି ୩୧ ରନ କରି ଆଉଟ ହୋଇଛନ୍ତି । ଅଧିନାୟକ ବେନ ଷ୍ଟୋକ୍ସ ୩୬ ବଲରୁ ୪ ଟି ଚୌକା ମାରି ୨୫ ରନ କରି ବୁମରାଙ୍କ ଦ୍ବାରା କ୍ୟାଚ ଆଉଟ ହୋଇଛନ୍ତି । ସାମ ବିଲିଙ୍ଗ୍ସ ୫୭ ବଲରୁ ୪ ଟି ଚୌକା ମାରି ୩୬ ରନ କରି ମହମ୍ମଦ ସିରାଜଙ୍କ ଦ୍ବାରା ବୋଲ୍ଡ ହୋଇଛନ୍ତି । ମ୍ୟାଟି ପଟ୍ସ ୧୮ ବଲରୁ ୩ ଚୌକା ମାରି ୧୯ ରନ କରି ଶ୍ରେୟାସ ଆୟାରଙ୍କ ଦ୍ବାରା କ୍ୟାଚ ଆଉଟ ହୋଇଛନ୍ତି ।