ନୂଆଦିଲ୍ଲୀ: ଇଂଲଣ୍ଡ ଓ ଭାରତ ମଧ୍ୟରେ ଶୁକ୍ରବାର ମାଞ୍ଚେଷ୍ଟରରେ ଖେଳାଯିବାକୁ ଥିବା ପଞ୍ଚମ ଟେଷ୍ଟ ମ୍ୟାଚ୍ ବାତିଲ ହୋଇଛି । ଭାରତୀୟ କ୍ୟାମ୍ପରେ ଏକାଧିକ ସପୋର୍ଟ ଷ୍ଟାଫ୍ COVID-୧୯ ସଂକ୍ରମିତ ଚିହ୍ନଟ ହେବାପରେ ଚର୍ଚ୍ଚାରେ ଭାରତୀୟ ସଦସ୍ୟଙ୍କ ବାୟୋବବଲ ନିୟମ ଉଂଲଘନ ।
ଲଣ୍ଡନରେ କୋଚ୍ ରବି ଶାସ୍ତ୍ରୀ ଓ କ୍ୟାପଟେନ ବିରାଟ କୋହଲି ଏକ ପୁସ୍ତକ ଉନ୍ମୋଚନ କାର୍ଯ୍ୟକ୍ରମରେ ଯୋଗଦେଇ ବାୟୋବବଲର ଉଲଂଘନ କରିଥିଲେ । ଏପରିକି କୋଚ୍ ଶାସ୍ତ୍ରୀ ଉକ୍ତ କାର୍ଯ୍ୟକ୍ରମରେ ଅତିଥିମାନଙ୍କ ସହ ଷ୍ଟେଜ୍ ସେୟାର କରିଥିଲେ । ଏନେଇ BCCI ଓ କିଛି ଇଂଲିସ ଗଣମାଧ୍ୟମ ଅସନ୍ତୋଷ ଜାହିର କରିଛନ୍ତି । ତେବେ ଗୁରୁବାର ରାତିରେ ଭାରତୀୟ ଖେଳାଳିଙ୍କ କୋଭିଡ ଟେଷ୍ଟ ରିପୋର୍ଟ ନେଗେଟିଭ ଜଣାପଡିବା ପରେ, ଏହି ମାମଲା ଉପରେ ଅନେକାଂଶରେ ପରଦା ଢାଙ୍କି ହୋଇଯାଇଛି । ମାତ୍ର ହୋଟେଲ ବାହାରେ ଜୈବ ସୁରକ୍ଷା ବଳୟର ଉଲଂଘନ କରି ପୁସ୍ତକ ଉନ୍ମୋଚନ କାର୍ଯ୍ୟକ୍ରମରେ ଯୋଗଦେବା ଦାୟିତ୍ବହୀନତାର ପରିଚୟ ବୋଲି କୁହାଯାଉଛି ।