ହାଇଦ୍ରାବାଦ :ୱେଷ୍ଟ ଇଣ୍ଡିଜ ବିପକ୍ଷରେ ଭାରତ ଆଜି ଦିନିକିଆ ନିର୍ଣ୍ଣାୟକ ମ୍ୟାଚ ଖେଳୁଛି । ଏଥିରେ ଟସ ଜିତି ଭାରତୀୟ ଅଧିନାୟକ ଶିଖର ଧାୱନ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି । ୱେଷ୍ଟଇଣ୍ଡିଜକୁ ପ୍ରଥମେ ବୋଲିଂ ପାଇଁ ଆମନ୍ତ୍ରଣ କରିଛି ଭାରତ ।
କ୍ଲିନ ସ୍ବିପ ଲକ୍ଷ୍ୟରେ ରହିବ ଭାରତୀୟ ଦଳ । ସେପଟେ ୱେଷ୍ଟଇଣ୍ଡିଜ ନିର୍ଣ୍ଣାୟକ ମ୍ୟାତ ଜିତି ସମ୍ମାନ ବଞ୍ଚାଇବା ପାଇଁ ପ୍ରୟାସ କରିବ । ଆଜିର ମ୍ୟାଚରେ ବୋଲର ଆଭେଷ ଖାନଙ୍କ ବଦଳରେ ପ୍ରସିଦ୍ଧ କ୍ରିଷ୍ଣା ଖେଳୁଛନ୍ତି । ଭାରତ ଏହି ସିରିଜରେ 2-0 ରେ ଆଗୁଆ ରହିଛି ।
ସେହିପରି ରବୀନ୍ଦ୍ର ଜାଡେଜା ମଧ୍ୟ ଆଜି ତୃତୀୟ ଦିନିକିଆରେ ଖେଳିବେ ନାହିଁ । ନିକଟରେ ତାଙ୍କ ଆଣ୍ଠୁରେ ଆଘାତ ଯୋଗୁଁ ସେ ପ୍ରଥମ ଏବଂ ଦ୍ବିତୀୟ ଦିନିକିଆ ମ୍ୟାଚରୁ ବାଦ ପଡିଥିଲେ । ସେ ଶତ ପ୍ରତିଶତ ସୁସ୍ଥ ହୋଇନଥିବା ନେଇ ବିସିସିଆଇ ସୂଚନା ଦେଇଛି ।