ମୋହାଲି: ଶ୍ରୀଲଙ୍କା ବିପକ୍ଷ ପ୍ରଥମ ଟେଷ୍ଟରେ ରବିବାର ଇତିହାସ ରଚିଲେ ଟିମ ଇଣ୍ଡିଆର ଷ୍ଟାର ଅଫସ୍ପିନର ରବିଚନ୍ଦ୍ରନ ଅଶ୍ବିନ । ମୋହାଲିରେ ଖେଳାଯାଉଥିବା ଭାରତ-ଶ୍ରୀଲଙ୍କା ପ୍ରଥମ ଟେଷ୍ଟର ତୃତୀୟ ଦିନରେ କିମ୍ବଦନ୍ତୀ କ୍ରିକେଟର କପିଳ ଦେବଙ୍କ ୪୩୪ ଟେଷ୍ଟ ୱିକେଟକୁ ଅତିକ୍ରମ କରିଛନ୍ତି ଅଶ୍ବିନ(Ashin goes past kapil dev 434 wickets) । ଏଥିସହ କ୍ରିକେଟର ଲମ୍ବା ଫର୍ମାଟରେ ଭାରତର ଦ୍ବିତୀୟ ସର୍ବାଧିକ ଟେଷ୍ଟ ୱିକେଟ ହାସଲକାରୀ ବୋଲର ହେଇଛନ୍ତି । ଅଶ୍ବିନ ଏହି ମାଇନଷ୍ଟୋନ ୮୫ତମ ମ୍ୟାଚ୍ରେ ପୂରଣ କରିଛନ୍ତି ।
୩୫ ବର୍ଷୀୟ ଅଶ୍ବିନ ୪୩୦ ୱିକେଟ ସହ ଶ୍ରୀଲଙ୍କା ବିପକ୍ଷ ପ୍ରଥମ ଟେଷ୍ଟ ଖେଳିଥିଲେ । ପ୍ରଥମ ଇଂନିସରେ ଦୁଇଟି ଓ ଦ୍ବିତୀୟ ଇଂନିସରେ ଆଉ ୩ଟି ୱିକେଟ ହାସଲ କରି କପିଳଙ୍କ ରେକର୍ଡ ଟେଷ୍ଟ ୱିକେଟକୁ ଅତିକ୍ରମ କରିଥିଲେ । କପିଳ ଦେବ ୧୩୧ଟି ମ୍ୟାଚ୍ରେ ଏହି ସଫଳତା ହାସଲ କରିଥିଲେ । ୧୩୨ ମ୍ୟାଚ୍ରୁ ୬୧୯ ୱିକେଟ ସହ କିମ୍ବଦନ୍ତୀ ଅନିଲ କୁମ୍ବଲେ ସର୍ବାଧିକ ୱିକେଟ ସଂଖ୍ୟା ସୂଚୀର ପ୍ରଥମ ସ୍ଥାନରେ ରହିଛନ୍ତି ।