ଦୁବାଇ:ଅଲମ୍ପିକରେ ସାମିଲ ହେବ କ୍ରିକେଟ । ଏଣିକି ବିଶ୍ବ କ୍ରୀଡା ମହାକୁମ୍ଭରେ ଦେଖିବାକୁ ମିଳିବ ଚୌକା, ଓ ଛକା । ଯଦି ସବୁକିଛି ଯୋଜନା ମୁତାବକ ହୁଏ, ତେବେ ୨୦୧୮ ଲସ୍ ଆଞ୍ଜଲେସ ଅଲମ୍ପିକରେ ସମସ୍ତ ଖେଳ ପରି କ୍ରିକେଟ ମଧ୍ୟ ଖେଳାଯିବ । ଏନେଇ ମଙ୍ଗଳବାର କ୍ରିକେଟର ସର୍ବୋଚ୍ଚ ପରିଚାଳନା ପରିଷଦ(ICC) ସ୍ପଷ୍ଟ କରିଛି । ୨୦୨୮ ସଂସ୍କରଣର ଗ୍ରୀଷ୍ମକାଳୀନ ଅଲମ୍ପିକ୍ରେ କ୍ରିକେଟକୁ ସାମିଲ କରିବାକୁ ସମସ୍ତ ପ୍ରୟାସ କରିବା ନେଇ ସ୍ପଷ୍ଟ କରିଛି ଅନ୍ତର୍ଜାତୀୟ କ୍ରିକେଟ ପରିଷଦ ।
ବହୁଦେଶୀୟ ମେଗା ଇଭେଣ୍ଟ ଅଲମ୍ପିକ୍ରେ କ୍ରିକେଟ ସାମିଲ ନେଇ ବେଶ କିଛି ସମୟ ଧରି ଇଚ୍ଛା ପ୍ରକାଶ କରିଆସୁଛି ICC । ଏହି ଇଚ୍ଛା ସହିତ ସ୍ବର ମିଳାଇଛି ବିଶ୍ବର ସବୁଠୁ ବିତ୍ତଶାଳୀ କ୍ରିକେଟ ବୋର୍ଡ BCCI । ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡର ସମ୍ପାଦକ ଜୟ ଶାହା ନିକଟରେ ଅଲମ୍ପିକ୍ ଖେଳରେ କ୍ରିକେଟ ଟୁର୍ଣ୍ଣାମେଣ୍ଟ ନେଇ ଗ୍ରୀନ ସିଗନାଲ ଦେଇଛନ୍ତି ।