ନୂଆଦିଲ୍ଲୀ: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(BCCI) ମଙ୍ଗଳବାର ଏକ ମଜାଦାର ଭିଡିଓ ଟ୍ବିଟ୍ କରିଛି । ଓଭାଲରେ ଇଂଲଣ୍ଡ ବିପକ୍ଷରେ ଟିମ ଇଣ୍ଡିଆର ଐତିହାସିକ ବିଜୟ ପରେ ଖେଳାଳିଙ୍କ ଖୁସି ପାଳନ ଓ ପ୍ରତିକ୍ରିୟାର ଏକ ସ୍ବତନ୍ତ୍ର ଭିଡିଓ ସେୟାର କରିଛି ବୋର୍ଡ ।
୫୦ ବର୍ଷ ପରେ ଓଭାଲ ଗ୍ରାଉଣ୍ଡରେ ଭାରତ ୧୫୭ ରନରେ ଇଂଲିସ ଟିମକୁ ମାତ୍ ଦେଇ ଇତିହାସ ରଚିଛି । ଫଳରେ ଡ୍ରେସିଂରୁମ୍ରୁ ବିଜୟ ମୂହୂର୍ତ୍ତ ସହିତ ଏହି ସ୍ମରଣୀୟ ବିଜୟରେ ଖେଳାଳିଙ୍କ ପ୍ରତିକ୍ରିୟାର ଭିଡିଓ ପୋଷ୍ଟ କରିଛି BCCI । ପ୍ରଥମ ଇଂନିସରେ ୯୯ ରନରେ ପଛୁଆ ଥିବା ଭାରତୀୟ ଟିମ ଇଂଲଣ୍ଡ ହାତରେ ନାଟକୀୟ ଢଙ୍ଗରେ ମ୍ୟାଚ ଛଡାଇଆଣିବା ସହ ବିଜୟୀ ହୋଇଥିଲା । ପଳରେ ବିଜୟ ପରେ ସମସ୍ତ ଭାରତୀୟ ଖେଳାଳି ପରସ୍ପରକୁ କୋଳେଇବା ସହ ଚିୟର କରୁଥିବା ଦେଖାଯାଇଥିଲା ।