ବର୍ଷା ଧୋଇନେଲା ଇଂଲଣ୍ଡ-ଶ୍ରୀଲଙ୍କା ତୃତୀୟ ଦିନିକିଆ

ବର୍ଷା ଯୋଗୁଁ ଇଂଲଣ୍ଡ ଓ ଶ୍ରୀଲଙ୍କା ମଧ୍ୟରେ ଖେଳାଯାଉଥିବା ତୃତୀୟ ଦିନିକିଆ ବିନା ଫଳାଫଳରେ ବାତିଲ । ଅଧିକ ପଢନ୍ତୁ...

ବ୍ରିଷ୍ଟଲ:ଏଠାରେ ଇଂଲଣ୍ଡ ଓ ଶ୍ରୀଲଙ୍କା ମଧ୍ୟରେ ଖେଳାଯାଉଥିବା ତୃତୀୟ ଦିନିକିଆ ବିନା ଫଳାଫଳରେ ବାତିଲ ଘୋଷଣା ହୋଇଛି । ଗୋଟିଏ ଇଂନିସ ଖେଳ ହୋଇଥିଲେ ମଧ୍ୟ ପ୍ରବଳ ବର୍ଷା ଯୋଗୁଁ ଦ୍ବିତୀୟ ଇଂନିସ ସମ୍ଭବ ହୋଇପାରିନଥିଲା ।

41.1 ଓଭରରେ ଭ୍ରମଣକାରୀ ଶ୍ରୀଲଙ୍କା ଘୋର ବ୍ୟାଟିଂ ବିପର୍ଯ୍ୟୟର ସାମ୍ନା କରିବା ସହ ସମସ୍ତ ୱିକେଟ ହରାଇ ମାତ୍ର 166ରନ୍‌ରେ ସୀମିତ ରହିଥିଲା । ତେବେ ବର୍ଷାଯୋଗୁଁ ସିରିଜ ମୂଳପୋଛରୁ ବର୍ତ୍ତିଯାଇଛି ଦଳ ।

ମ୍ୟାଚ ଆରମ୍ଭରୁ ମଧ୍ୟ ବର୍ଷା ବାଧକ ସାଜିଥିଲା ଓ ଟସ୍‌ ବିଳମ୍ବ ହୋଇଥିଲା । ଶ୍ରୀଲଙ୍କା ଇଂନିସ ଶେଷ ପରେ ଇଂନିସ ବ୍ରେକ୍‌ରେ ବର୍ଷା ଜାରି ରହିଥିଲା । ଫଳରେ ଅନ୍ୟ ବିକଳ୍ପ ନଥିବା ଦର୍ଶାଇ ମ୍ୟାଚ ବାତିଲ ଘୋଷଣା କରିଥିଲେ ଅମ୍ପାୟାର ।

ତେବେ ସିରିଜର ପ୍ରଥମ ଦୁଇଟି ମ୍ୟାଚରେ ବିଜୟ ସହ 2-0ରେ ଆଗୁଆ ଥିବାରୁ ଇଂଲଣ୍ଡ ସିରିଜ ହାତେଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ