ମୁମ୍ବାଇ:ଖୁବଶୀଘ୍ର ହାତକୁ ଦୁଇହାତ ହେବାକୁ ଯାଉଛନ୍ତି ଭାରତୀୟ ଦ୍ରୁତ ବୋଲର ତଥା ଚେନ୍ନାଇ ସୁପରକିଙ୍ଗ୍ସର(CSK) ଅଲରାଉଣ୍ଡର ଦୀପକ ଚହର (Deepak Chahar) । ଜୁନ ୧ରେ ବାନ୍ଧବୀ ଜୟା ଭାରଦ୍ବାଜଙ୍କୁ (Jaya bharadwaj) ଜୀବନସାଥୀ କରିବାକୁ ଯାଉଛନ୍ତି ଦୀପକ । ଜୟା ଦିଲ୍ଲୀର ବାସିନ୍ଦା । ସେ ଏକ କର୍ପୋରେଟ ଫାର୍ମରେ କାର୍ଯ୍ୟରତ ଅଛନ୍ତି । ଖବର ଅନୁସାରେ ଦୁହିଁଙ୍କ ବିବାହ ପାଇଁ ୩୧ ମଇରୁ ଉତ୍ସବ ଆରମ୍ଭ ହୋଇଯିବ । ଜୁନ ୧ରେ ଉଭୟ ବିବାହ ବନ୍ଧନରେ ଆବଦ୍ଧ ହେବେ ।
ବିବାହରେ ପରିବାର ବ୍ୟତୀତ କିଛି ଘନିଷ୍ଠ ବନ୍ଧୁ ସାମିଲ ହେବେ । ବିବାହ କାର୍ଡ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଉଛି । 'ବିଗ ବସ୍' ଫେମ ସିଦ୍ଧାର୍ଥ ଭାରଦ୍ବାଜଙ୍କ ଭଉଣୀ ହେଉଛନ୍ତି ଜୟା ଭାରଦ୍ବାଜ । ଦୀପକ ତାଙ୍କ ଉଭଣୀ ମାଲତୀଙ୍କ ଜରିଆରେ ଜୟାଙ୍କୁ ଭେଟିଥିଲେ । ଏହାପରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢିଉଠିଥିଲା । ଆଇପିଏଲ ୨୦୨୧ ସିଜନରେ ୭ ଅକ୍ଟୋବରରେ ପଞ୍ଜାବ ବିପକ୍ଷ ମ୍ୟାଚ୍ ପରେ ଭରା ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ନିଜର ବାନ୍ଧବୀ ଜୟାଙ୍କୁ ଫିଲ୍ମ ଷ୍ଟାଇଲରେ ବିବାହ ପ୍ରସ୍ତାବ ଦେଇଥିଲେ ଚହର ।