ମୁମ୍ବାଇ:IPL 2022ରେ ଆଜି ୩୨ତମ ମ୍ୟାଚ୍ରେ ମୁହାଁମୁହିଁ ହେଉଛନ୍ତି ଦିଲ୍ଲୀ କ୍ୟାପିଟାଲ୍ସ ଓ ପଞ୍ଜାବ କିଙ୍ଗ୍ସ । ଆଜିର ମ୍ୟାଚ୍ ପାଇଁ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି ଦିଲ୍ଲୀ କ୍ୟାପିଟାଲ୍ସ । ଆଜିର ମ୍ୟାଚ୍ରେ ଦିଲ୍ଲୀ ଉପରେ ଅଧିକ ଚାପ ରହିବ । କାରଣ ଦଳରେ ବର୍ତ୍ତମାନ କିଛି ଖେଳାଳି କୋରୋନା ସଂକ୍ରମିତ ହୋଇଛନ୍ତି ।
ଏହାରି ମଧ୍ୟରେ ଆଜିର ମ୍ୟାଚ୍ରେ ବିଜୟ ଲାଭ କରି ଦିଲ୍ଲୀ କ୍ୟାପିଟାଲ୍ସ ଖେଳାଳିଙ୍କ ମଧ୍ୟରେ ଆତ୍ମବିଶ୍ବାସ ବଢ଼ାଇବାକୁ ଚେଷ୍ଟା କରିବ । ଆଜିର ମ୍ୟାଚ୍ ପାଇଁ ଦିଲ୍ଲୀ ଦଳରେ ମିଚେଲ ମାର୍ଶଙ୍କ ସ୍ଥାନରେ ସର୍ଫରାଜ ଖାନ୍ଙ୍କୁ ସାମିଲ କରାଯାଇଛି । ସେପଟେ ପଞ୍ଜାବ ଦଳକୁ ଅଧିନାୟକ ମୟଙ୍କ ଅଗ୍ରୱାଲ ପ୍ରତ୍ୟାବର୍ତ୍ତନ କରିଥିବା ବେଳେ ନାଥାନ ଏଲିସ ଦଳରେ ସାମିଲ ହୋଇଛନ୍ତି ।
ବର୍ତ୍ତମାନ ପଏଣ୍ଟ ତାଲିକାରେ ପଞ୍ଜାବ କିଙ୍ଗ୍ସ୍ ସପ୍ତମ ସ୍ଥାନରେ ଥିବା ବେଳେ ଦିଲ୍ଲୀ କ୍ୟାପିଟାଲ୍ସ ଅଷ୍ଟମ ସ୍ଥାନରେ ରହିଛନ୍ତି । ଦିଲ୍ଲୀ ଓ ପଞ୍ଜାବ ଉଭୟ ନିଜ ନିଜର ପୂର୍ବ ମ୍ୟାଚ୍ରେ ପରାଜିତ ହୋଇଛନ୍ତି । ଆଜିର ମ୍ୟାଚ୍ରେ ବିଜୟ ଲାଭ କରି ଉଭୟ ପଏଣ୍ଟ ତାଲିକାରେ ଉପରକୁ ଉଠିବାକୁ ଚେଷ୍ଟା କରିବେ ।
ପଞ୍ଜାବ କିଙ୍ଗ୍ସ ଚୂଡ଼ାନ୍ତ ଏକାଦଶ