ମୁମ୍ବାଇ: IPL 2022ର ୩୨ତମ ମ୍ୟାଚ୍ରେ ପଞ୍ଜାବ କିଙ୍ଗ୍ସ୍ ବିପକ୍ଷରେ ଦମ୍ଦାର ବିଜୟ ହାସଲ କରିଛି ଦିଲ୍ଲୀ କ୍ୟାପିଟାଲ୍ସ । ୧୧୬ ରନ୍ ବିଜୟ ଲକ୍ଷ୍ୟ ମାତ୍ର ଗୋଟିଏ ୱିକେଟ ବିନିମୟରେ ୧୦.୩ ଓଭରରେ ହାସଲ କରିଛି ପଞ୍ଜାବ । ଦିଲ୍ଲୀର ଇନିଂସ ଆରମ୍ଭରୁ ହିଁ ଡେଭିଡ ୱାର୍ଣ୍ଣର ଓ ପୃଥ୍ବୀ ଶ ବଡ଼ ସଟ୍ ଖେଳି ନଜ ଉଦ୍ଦେଶ୍ୟ ଜାହିର କରିଥିଲେ ।
ପୃଥ୍ବୀ ଓ ୱାର୍ଣ୍ଣର ପ୍ରଥମ ୱିକେଟ ପାଇଁ ଦଳ ଖାତାରେ ୮୩ ରନ୍ ଜୋଡ଼ିଥିଲେ । ପୃଥ୍ବୀ ୨୦ଟି ବଲ୍ରୁ ୪୧ ରନ୍ ହାସଲ କରି ରାହୁଲ ଚହରଙ୍କ ବଲ୍ରେ ଆଉଟ ହୋଇଥିଲେ । ତେବେ ଏହାପରେ ମଧ୍ୟ ୱାର୍ଣ୍ଣର ବଡ଼ ସଟ୍ ଖେଳିବା ଜାରି ରଖିଥିଲେ । ସେ ୩୦ଟି ବଲ୍ରୁ ୬୦ ରନ୍ କରି ଦିଲ୍ଲୀକୁ ବିଜୟ ଦ୍ବାରକୁ ନେଇ ଯାଇଥିଲେ । ପୃଥ୍ବୀ ଆଉଟ ହେବାପରେ ସର୍ଫରାଜ ଖାନ ଗୋଟିଏ ଚୌକା ସହ ୧୩ଟି ବଲ୍ରୁ ୧୨ ରନ୍ କରିଥିଲେ । ସର୍ବଶେଷରେ ଦିଲ୍ଲୀ ୯ ୱିକେଟରେ ଏହି ମ୍ୟାଚ୍କୁ ଜିତି ନେଇଛି ।