ହାଇଦ୍ରାବାଦ: କୋଲକାତା ନାଇଟ ରାଇଡର୍ସ ଅଷ୍ଟ୍ରେଲୀୟ ଦ୍ରୁତ ବୋଲର ପାଟ କମିନ୍ସ ସୋମବାର ପିଏମ କେୟାର୍ସ ଫଣ୍ଡକୁ କୋଭିଡ ରିଲିଫ ଦାନ କରିବା ନିଷ୍ପତ୍ତି ବଦଳାଇଛନ୍ତି । ଏଥିସହ ସିଧାସଳଖ 50000 ଡଲାର ସହାୟତା ରାଶି କୋଭିଡ-19 ପ୍ରଭାବିତଙ୍କ ପାଇଁ UNICEF ଅଷ୍ଟ୍ରେଲିଆର ଭାରତ କୋଭିଡ -19 ସଂକଟ ଅପିଲକୁ ପ୍ରଦାନ କରିଛନ୍ତି ।
ଏନେଇ ସୋମବାର କମିନ୍ସ ଟ୍ବିଟ ଯୋଗେଁ ସୂଚନା ଦେଇଛନ୍ତି ।
ପୂର୍ବରୁ ଏପ୍ରିଲ 26ରେ କମିନ୍ସ ପିଏମ କେୟାର୍ସ ଫଣ୍ଡକୁ 50,000 ଡଲାର ଦାନ କରିବାକୁ ଘୋଷଣା କରିଥିଲେ । ବିଶେଷ କରି ଭାରତରେ ହସ୍ପିଟାଲ ଗୁଡିକରେ ଅକ୍ସିଜେନ ପହଞ୍ଚାଇବାରେ ଏହି ଅର୍ଥ ଖର୍ଚ୍ଚ କରିବାକୁ କହିଥିଲେ ।
କୋରୋନାର ଦ୍ବିତୀୟ ଲହର ସଂକଟ ସ୍ଥିତିରେ ରହିଥିବା ଭାରତକୁ ଅଷ୍ଟ୍ରେଲିଆ କ୍ରିକେଟ ବୋର୍ଡ ମଧ୍ୟ 50,000 ଡଲାର ଆର୍ଥିକ ସହାୟତା ରାଶି ଦାନ କରିଛି । ପ୍ରାଥମିକ ପର୍ଯ୍ୟାୟରେ ଏହି ରାଶି ପ୍ରଦାନ କରିଥିବାବେଳେ ବୋର୍ଡ, ଅଷ୍ଟ୍ରେଲୀୟ କ୍ରିକେଟର ସଂଘ(ACA) UNICEF ଅଷ୍ଟ୍ରେଲିଆ ସହ ମିଶି ଅଧିକ ଫଣ୍ଡ୍ସ ସଂଗ୍ରହ କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
