ଲଣ୍ଡନ: ଚଳିତ ବିଶ୍ବକପର ଅନ୍ୟତମ ବଡ ମୁକାବଲା ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯିବ । ଏହି ମ୍ୟାଚ ସହିତ ଭାରତୀୟ ଦଳର କିଛି ସଂପର୍କ ନାହିଁ । କିନ୍ତୁ ଭାରତର କ୍ରିକେଟ କିମ୍ବଦନ୍ତୀ ଖେଳାଳି ସଚିନ ତେନ୍ଦୁଲକରଙ୍କ ସହିତ ଏହି ମ୍ୟାଚର କନେକସନ୍ ରହିଛି ।
ସଚିନଙ୍କ ପୁତ୍ର ଅର୍ଜୁନ ତେନ୍ଦୁଲକର ଇଂଲଣ୍ଡ ବ୍ୟାଟ୍ସମ୍ୟାନଙ୍କୁ ବୋଲିଂ କରୁଛନ୍ତି । ଅଷ୍ଟ୍ରେଲିଆ ବିପକ୍ଷରେ ଇଂଲଣ୍ଡ ନିଶ୍ଚିତ ବିଜୟ ଲକ୍ଷ୍ୟ ନେଇ ଜୋରସୋରରେ ଅଭ୍ୟାସ ଜାରି ରଖିଛି । ମୋର୍ଗାନ ଆଣ୍ଡ କୋ ଜବରଦସ୍ତ ନେଟ୍ସ ପ୍ରାକ୍ଟିସ୍ ଚଳାଇଛନ୍ତି । ତେବେ ନେଟରେ ଅଭ୍ୟାସବେଳେ ଅର୍ଜୁନ ତେନ୍ଦୁଲକର ଇଂଲିସ ବ୍ୟାଟ୍ସମ୍ୟାନଙ୍କୁ ବୋଲିଂ କରୁଥିବାର ଜଣାପଡିଛି ।