ନୂଆଦିଲ୍ଲୀ: କ୍ରିକେଟ ବିଶ୍ବକପ 1975ରୁ ଆରମ୍ଭ ହୋଇଛି । 44ବର୍ଷ ପୂର୍ବେ ଆରମ୍ଭ ହୋଇଥିବା କ୍ରିକେଟର ଏହି ବଡ ଟୁର୍ଣ୍ଣାମେଣ୍ଟର 11ଟି ସଂସ୍କରଣ ଖେଳ ସରିଛି । ଭାରତ ବିଶ୍ବକପର ସବୁ ସଂସ୍କରଣରେ ଖେଳିଛି । ତେବେ ସବୁ ବିଶ୍ବକପରେ ଭାରତ ପାଇଁ ଅନେକ ଖେଳାଳି ନିଜର ଶ୍ରେଷ୍ଠ ପ୍ରଦର୍ଶନ କରିଛନ୍ତି ।
ଅନେକ ବିଶ୍ବସ୍ଥରୀୟ ମହାନ ଖେଳାଳି ଭାରତୀୟ ଦଳରୁ ଖେଳିଛନ୍ତି । ଭାରତ ଦୁଇଥର ବିଶ୍ବକପ ବିଜେତା ହୋଇଛି । 1983 ରେ କପିଲ ଦେବ ଙ୍କ ନେତୃତ୍ବରେ ପ୍ରଥମଥର ବିଶ୍ବଚମ୍ପିଆନ ହୋଇଥିଲା ଟିମ ଇଣ୍ଡିଆ । ପରେ ଧୋନୀଙ୍କ ନେତୃତ୍ବରେ 2011ରେ ଦ୍ବିତୀୟ ଥର ପାଇଁ ଚମ୍ପିଆନର ତାଜ ପିନ୍ଧିଥିଲା ଭାରତ ।
ମହିନ୍ଦର ଅମରନାଥ(1983)
ଏହି ଭାରତୀୟ ଅଲରାଉଣ୍ଡର 1983 ବିଶ୍ବକପର ଥିଲେ ହିରୋ । ପ୍ରାୟ ସମସ୍ତ ମ୍ୟାଚରେ କମାଲ କରିଥିଲେ ଅମରନାଥ । ଇଂଲଣ୍ଡ ବିପକ୍ଷରେ 46 ରନ ସହ 27/2 ୱିକେଟ ନେଇଥିଲେ । ଫଳରେ ସେ ମ୍ୟାନ ଅଫ ଦି ମ୍ୟାଚ ରହିଥିଲେ । ବିଶ୍ବକପର ଶେଷ 4ଟି ମ୍ୟାଚରେ ଭାରତ ପାଇଁ ଏକପ୍ରକାର ମ୍ୟାନୱିନର ସାଜିଥିଲେ ଅମରନାଥ । ଫାଇନାଲରେ 26ରନ ର ଉପଯୋଗି ପାଳି ଖେଳିଥିଲେ । ଓ 12ରନ ଦେଇ 3ୱିକେଟ ଅକ୍ତିଆର କରିଥିଲେ । ଫଳରେ କପିଲ ଦେବଙ୍କ କାମକୁ ସହଜ କରିଥିଲେ ।
ସୁନିଲ ଗାଭାସ୍କର(1987)
ଲିଟିଲ ମାଷ୍ଟର ସୁନିଲ ଗାଭାସ୍କର ଥିଲେ 1987 ବିଶ୍ବକପରେ ଭାରତ ପାଇଁ ବ୍ୟାଟିଂ ହିରୋ । 7ଟି ଇଂନିସରୁ 300ରୁ ଅଧିକ ରନ କରିଥିଲେ ସେ । ନ୍ୟୁଜିଲାଣ୍ଡ ବିପକ୍ଷରେ କ୍ୟାରିୟରର ପ୍ରଥମ ଶତକ ମାରି ଟିମ ଇଣ୍ଡିଆକୁ ଜିତାଇଥିଲେ । କିନ୍ତୁ ଭାରତୀୟ ଦଳ ସେମିଫାଇନାଲରେ ପରାସ୍ତ ହୋଇଥିଲା ।