ବାଲୁକା କଳାରେ ଟିମ ଇଣ୍ଡିଆକୁ ସୁଦର୍ଶନଙ୍କ ଶୁଭେଚ୍ଛା

କ୍ରିକେଟ ବିଶ୍ବକପ ସେମିଫାଇନାଲ ପାଇଁ ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ବାଲୁକା କଳା ମାଧ୍ୟମରେ ଟିମ ଇଣ୍ଡିଆକୁ ଶୁଭେଚ୍ଛା ଜଣାଇଛନ୍ତି ।

ପୁରୀ: କ୍ରିକେଟ ବିଶ୍ବକପର ସେମିଫାଇନାଲରେ ପହଞ୍ଚିଛି ଟିମ ଇଣ୍ଡିଆ । ନ୍ୟୁଜିଲାଣ୍ଡ ବିପକ୍ଷରେ ଭାରତ ମଙ୍ଗଳବାର ସେମିଫାଇନାଲ ଖେଳିବ । ତେବେ ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ବାଲୁକା କଳା ମାଧ୍ୟମରେ ଟିମ ଇଣ୍ଡିଆକୁ ଶୁଭେଚ୍ଛା ଜଣାଇଛନ୍ତି । ବାଲିରେ କ୍ୟାପଟେନ ବିରାଟ କୋହଲିଙ୍କ ଛବି ଅଙ୍କି ଦଳର ଶୁଭ ମନାସିଛନ୍ତି ।

ବିଶ୍ବ ଚମ୍ପିଆନ ହେବାର ଦ୍ବାର ଦେଶରେ ଭାରତୀୟ ଦଳ ରହିଛି ବୋଲି ସୁଦର୍ଶନ କହିଛନ୍ତି । ଏହା ସହିତ ଟିମ ଇଣ୍ଡିଆ ସେମିଫାଇନାଲରେ ବିଜୟୀ ହୋଇ ଓ ଫାଇନାଲରେ ଚମ୍ପିଆନ ହେବାପାଇଁ ଶୁଭେଚ୍ଛା ଜଣାଇଛନ୍ତି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ