ସୁଟିଂ ବିଶ୍ବକପ: ସଞ୍ଜୀବ ରାଜପୁତ ଓ ତେଜସ୍ବିନୀ ସାୱନ୍ତଙ୍କୁ ସ୍ବର୍ଣ୍ଣ

ସଞ୍ଜୀବ ରାଜପୁତ ଓ ତେଜସ୍ବିନୀ ସାୱନ୍ତ 50 ମିଟର ରାଇଫଲ 3 ପୋଜିସନ ମିକ୍ସଡ ଟିମ ଇଭେଣ୍ଟରେ ସ୍ବର୍ଣ୍ଣ ପଦକ ବିଜେତା ହୋଇଛନ୍ତି । ଅଧିକ ପଢନ୍ତୁ...

ନୂଆଦିଲ୍ଲୀ: ଚଳିତ ସୁଟିଂ ବିଶ୍ବକପରେ ଭରତର ପଦକ ବିଜୟ ଅଭିଯାନ ଜାରି । ଶୁକ୍ରବାର ସଞ୍ଜୀବ ରାଜପୁତ ଓ ତେଜସ୍ବିନୀ ସାୱନ୍ତ 50 ମିଟର ରାଇଫଲ 3 ପୋଜିସନ ମିକ୍ସଡ ଟିମ ଇଭେଣ୍ଟରେ ସ୍ବର୍ଣ୍ଣ ପଦକ ବିଜେତା ହୋଇଛନ୍ତି । ଫଳର ଭାରତ ଖାତାରେ ଆଉ ଏକ ସ୍ବର୍ଣ୍ଣ ପଦକ ଯୋଡି ହୋଇଛି ।

ସୁନିଧି ଚୌହାନ ଓ ଐଶୟାରୀ ପ୍ରତାପ ସିଂହ ତୋମାର ସମାନ ଇଭେଣ୍ଟରେ ବ୍ରୋଞ୍ଜ ପଦକ ହାତେଇଛନ୍ତି । ସ୍ପୋର୍ଟ୍ସ ଅଥରିଟି ଅଫ ଇଣ୍ଡିଆ ଟ୍ବିଟ ଯୋଗେଁ ସଫଳ ଭାରତୀୟ ଖେଳାଳିଙ୍କୁ ଶୁଭେଚ୍ଛା ଜଣାଇଛି ।

ପୂର୍ବରୁ ଗୁରୁବାର ଭାରତୀୟ ମହିଳା 25 ମିଟର ପିସ୍ତଲ ଟିମ ମନୁ ଭାକର, ରାନୀ ସାରନୋବାତ ଓ ଚିଙ୍କି ଯାଦବ ସ୍ବର୍ଣ୍ଣରେ ଚମକିଥିଲେ । ଫାଇନାଲରେ ପୋଲାଣ୍ଡକୁ 17-7ରେ ହରାଇ ଭାରତୀୟ ଟିମ ସ୍ବର୍ଣ୍ଣ ପଦକ ହାତେଇଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ