ମାଞ୍ଚେଷ୍ଟର: ଚଳିତ ବିଶ୍ବକପରେ ଭାରତର ପ୍ରଦର୍ଶନ ରହିଛି ବେଶ ଦମଦାର । କିନ୍ତୁ ଫାଷ୍ଟ ବୋଲର ଭୁବନେଶ୍ବର କୁମାରଙ୍କ ଅନୁପସ୍ଥିତି ଟିମର ଚିନ୍ତା ବଢ଼ାଇପାରେ । ଇତି ମଧ୍ୟରେ କିନ୍ତୁ ଇଂଲଣ୍ଡରୁ ଖୁସି ଖବର ଆସିବାର ସମ୍ଭାବନା ରହିଛି । କାରଣ ଆହତ ଭୁବନେଶ୍ବର କୁମାରଙ୍କୁ ମଙ୍ଗଳବାର ନେଟରେ ଖୁବ ଅଭ୍ୟାସ କରୁଥିବାର ଦେଖିବାକୁ ମିଳିଥିଲା । ମାଞ୍ଚେଷ୍ଟରରେ ଇନଡୋର ପ୍ରାକ୍ଟିସ ବେଳେ ଭୁବିଙ୍କୁ ବୋଲିଂ କରୁଥିବାର ଦେଖିବାକୁ ମିଳିଥିଲା ।
ବିସିସିଆଇ ଏକ ଭିଡିଓ ସେୟାର କରିଛି, ଯେଉଁଥିରେ ଭୁବନେଶ୍ବରଙ୍କୁ ବୋଲିଂ କରୁଥିବାର ଦେଖିବାକୁ ମିଳିଛି । ଏହାସହ ଅଭ୍ୟାସ ବେଳର ଫଟୋ ସବୁ ମଧ୍ୟ ସେୟାର କରିଛି ବିସିସିଆଇ । ଏହି ଫଟୋରେ କୋଚ ରବି ଶାସ୍ତ୍ରୀ ଟିମ ଇଣ୍ଡିଆର ଅଧିନାୟକ କୋହଲି ଓ ଅଲରାଉଣ୍ଡର ବିଜୟ ଶଙ୍କରଙ୍କ ସହ ଆଲୋଚନା କରୁଥିବାର ଦେଖିବାକୁ ମିଳିଛି । ଗୁରୁବାର ଭାରତୀୟ ସେନା ୱେଷ୍ଟଣ୍ଡିଜ ବିପକ୍ଷରେ ମଇଦାନକୁ ଓହ୍ଲାଇବ ।
ଭିଡିଓ ସୌଜନ୍ୟ: ସୋସିଆଲ ମିଡିଆ/ଟ୍ୱିଟର@BCCi