ନୂଆଦିଲ୍ଲୀ: ଶେଷ ହୋଇଛି ବିଶ୍ୱକପ । ଏବେ ଧୋନିଙ୍କ ଅବସର ନେଇ ଚାଲିଛି ଅଙ୍କକଷା । ବିଶ୍ୱକପରେ ଧୋନିଙ୍କ ପ୍ରଦର୍ଶନ ଦେଖି ଏହା ଅନୁମାନ ଲଗାଯାଇ ପାରେ ଧୋନିଙ୍କ କ୍ୟାରିୟରର ପ୍ରାୟତଃ ଶେଷ ହୋଇସାରିଛି । ତେବେ ବିସିସିଆଇର ଏକ ସୁତ୍ରରୁ ଖବର ମିଳୁଛି ଯେ, ଧୋନିଙ୍କ ଅବସରର ନେଇ ବୋର୍ଡ କର୍ମକର୍ତ୍ତା ତାଙ୍କ ସହ ଆଲୋଚନା କରିବେ ଓ ଧୋନିଙ୍କୁ ଅବସର ନେବା ପାଇଁ ବୁଝାସୁଝା କରିବେ ।
ମିଳିଥିବା ସୂଚନା ଅନୁଯାୟୀ, ଚୟନ କମିଟି ମୁଖ୍ୟ ଏମ୍ଏସ୍କେ ପ୍ରସାଦ ଖୁବଶୀଘ୍ର ଧୋନୀଙ୍କ ସହ ଆଲୋଚନା କରିବେ । ଯଦି ସେ ଏପର୍ଯ୍ୟନ୍ତ ନିଷ୍ପତ୍ତି ନେଇ ନାହାନ୍ତି ତେବେ ତାଙ୍କ ଅବସର ନେବାର ସମୟ ଆସିପାରେ ବୋଲି ବୁଝାଇବେ । ତେବେ ଯଦି ଏମିତି ହୁଏ ୱେଷ୍ଟଇଣ୍ଡିଜ୍ ଗସ୍ତ ପାଇଁ ଦଳ ଘୋଷଣା ହେବା ପୂର୍ବରୁ ଅବସରର ନେଇ ପାରନ୍ତି ଧୋନି । ସୂଚନାଥାଉ କି, ଶୁକ୍ରବର ୱେଷ୍ଟଇଣ୍ଡିଜ୍ ଗସ୍ତ ପାଇଁ ଭାରତୀୟ ଦଳ ଘୋଷଣା ହେବ ।