ନୂଆଦିଲ୍ଲୀ: ଟିମ ଇଣ୍ଡିଆର ଲେଗ ସ୍ପିନର ୟୁଜଭେନ୍ଦ୍ର ଚହଲ, ସର୍ବକାଳୀନ ମହାନ ଭାରତୀୟ କ୍ରିକେଟରଙ୍କ ନାମ ଘୋଷଣା କରିଛନ୍ତି । ପୂର୍ବତନ କ୍ୟାପଟେନ ମହେନ୍ଦ୍ର ସିଂହ ଧୋନିଙ୍କୁ ଚୟନ କରିଛନ୍ତି ଚହଲ ।
ଚହଲ କହିଛନ୍ତି, "ଉଭୟ ପଡିଆ ଭିତରେ ଓ ବାହାରେ ମାହି ଭାଇ ବହୁ ସାହାଯ୍ୟ କରିଛନ୍ତି । ଭାରତର ସର୍ବକାଳୀନ ଶ୍ରେଷ୍ଠ କ୍ରିକେଟରଙ୍କ ମଧ୍ୟରୁ ମାହି ଭାଇ ଅନ୍ୟତମ । ମ୍ୟାଚର କଠିନ ପରିସ୍ଥିତି ସମୟରେ, ସେ ପାଖକୁ ଆସି କାନ୍ଧରେ ହାତ ରଖି ବିଶ୍ବାସ ଦିଅନ୍ତି । ଓ ଗୁଗୁଲି ବୋଲିଂ କରିବାକୁ କୁହନ୍ତି । ୱିକେଟ ପଛରେ ବ୍ୟାଟ୍ସମ୍ୟାନଙ୍କୁ ଭଲଭାବେ ପଢିପାରନ୍ତି । ସେହି ଅନୁଯାୟୀ ବୋଲିଂ ପାଇଁ ଟିପ୍ସ ଦିଅନ୍ତି । ଏହି ନିଷ୍ପତି ଅନେକବାର ଟିମ ସପକ୍ଷରେ ଯାଇଛି ।"
ଦକ୍ଷିଣ ଆଫ୍ରିକା ଗସ୍ତରେ ପ୍ରଥମ ଥର 5 ୱିକେଟ ହାସଲ କରିଥିଲେ ଚହଲ । ତେବେ ଏହା ପଛରେ ଧୋନିଙ୍କ ସୁଚିନ୍ତିତ ରଣନୀତି ଥିଲା ବୋଲି ଚହଲ ଖୁଲାସା କରିଛନ୍ତି । ଜେପି ଡୁମିନିଙ୍କୁ ଆଉଟ କରିବାକୁ ପାଖକୁ ଆସି ୱିକେଟ ସିଧା ବୋଲିଂ କରିବାକୁ ପରାମର୍ଶ ଦେଇଥିଲେ । ପରେ ଏହା ସଫଳ ହୋଇଥିଲା । ଡୁମିନି ଆଉଟ ହୋଇ ପ୍ୟାଭିଲିୟନ ଫେରିଥିଲେ ।