ନୂଆଦିଲ୍ଲୀ: ଭେଟେରାନ ଭାରତୀୟ ଅଲରାଉଣ୍ଡର ଯୁବରାଜ ସିଂ ଗୁରୁବାର କହିଛନ୍ତି ଯେ ସେ ଆଗାମୀ ଘରୋଇ ସିଜନରେ ପଞ୍ଜାବ ପାଇଁ ଖେଳିବାକୁ ଚାହୁଁଛନ୍ତି । 2011 ବିଶ୍ୱକପ ବିଜେତା ହିରୋ ଗତ କିଛି ମାସ ଧରି ମୋହାଲିର ପଞ୍ଜାବ ଷ୍ଟାଡିୟମରେ ଶୁଭମାନ ଗିଲ, ଅଭିଷେକ ଶର୍ମା, ପ୍ରଭାସମ୍ରନ ସିଂ ଏବଂ ଅନମୋଲପ୍ରୀତ ସିଂଙ୍କ ସହ ଅଭ୍ୟାସ କରୁଥିବା ନଜର ଆସିଛନ୍ତି ।
କ୍ରିକେଟକୁ ଫେରିବାକୁ ଚାହୁଁଛନ୍ତି ଯୁବରାଜ, ଲୋଡିଲେ ବିସିସିଆଇର ଅନୁମତି
2011 ବିଶ୍ୱକପ ବିଜେତା ହିରୋ ଗତ କିଛି ମାସ ଧରି ମୋହାଲିର ପଞ୍ଜାବ ଷ୍ଟାଡିୟମରେ ଶୁଭମାନ ଗିଲ, ଅଭିଷେକ ଶର୍ମା, ପ୍ରଭାସମ୍ରନ ସିଂ ଏବଂ ଅନମୋଲପ୍ରୀତ ସିଂଙ୍କ ସହ ଅଭ୍ୟାସ କରୁଥିବା ନଜର ଆସିଛନ୍ତି ।
କ୍ରିକେଟକୁ ଫେରିବାକୁ ଚାହୁଁଛନ୍ତି ଯୁବରାଜ, ଲୋଡିଲେ ବିସିସିଆଇର ଅନୁମତି
ଯୁବରାଜ ବର୍ତ୍ତମାନ ଆନୁଷ୍ଠାନିକ ଭାବେ ବିସିସିଆଇ ସଭାପତି ସୌରଭ ଗାଙ୍ଗୁଲି ଏବଂ ସଚିବ ଜୟ ଶାହାଙ୍କ ନିକଟକୁ ଏକ ଆବେଦନ ପତ୍ର ଲେଖିଛନ୍ତି । ଯେଉଁଥିରେ ସେ ଅବସରରୁ ବାହାରି ଆସି କ୍ରିକେଟ ଖେଳିବାକୁ ଅନୁମତି ମାଗିଛନ୍ତି । ତାଙ୍କ ଚିଠିରେ ସେ ସ୍ପଷ୍ଟ କରିଛନ୍ତି ଯେ ଯଦି ସେ ପଞ୍ଜାବ ପାଇଁ ଖେଳି ପାରିବେ, ତେବେ ସେ ଗ୍ଲୋବାଲ ଟି -20 ଲିଗରେ ଖେଳିବେ ନାହିଁ ।
ସୂଚନାଥାଉ କି, ଯୁବରାଜ 2019 ରେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ । ଏହା ପରେ ସେ କାନାଡାର ଜିଟି-20 ଲିଗରେ ଖେଳୁଛନ୍ତି । ପ୍ରୋଟୋକଲ ଅନୁଯାୟୀ, ଖେଳାଳି ଭାରତୀୟ କ୍ରିକେଟରୁ ଅବସର ଘୋଷଣା କରିବା ପରେ ବିସିସିଆଇ କେବଳ ବିଦେଶୀ ଲିଗ୍ ପାଇଁ ଅନୁମତି ଦେଇଥାଏ |