ହାଇଦ୍ରାବାଦ: ଅନ୍ୟ ବର୍ଷ ଭଳି ସାଧାରଣ ନଥିଲା ବର୍ଷ 2020 । କୋରୋନା ଭାଇରସର କାୟା ବର୍ଷ ତମାମ ଲାଗି ରହିବା ସହ ବଦଳାଇ ଦେଇଥିଲା ଜୀବନ ଓ ଜୀବିକାର ରୂପରେଖ । ଛୋଟରୁ ବଡ ପର୍ଯ୍ୟନ୍ତ ସବୁକିଛି କୋରୋନା ଭାଇରସ କାରଣରୁ ପ୍ରଭାବିତ ହୋଇଥିଲା । ଏପରିକି ବିଦାୟ ନେବାକୁ ଯାଉଥିବା ବର୍ଷରେ ବିବାହ ବିଶେଷ ଭାବେ ପ୍ରଭାବିତ ହୋଇଥିଲା । ଅନେକ ଖେଳାଳି ନିଜର ବିବାହ ତାରିଖକୁ ଘୁଞ୍ଚାଇ ଦେଇଥିବାବେଳେ, ଅନେକ ହାତଗଣତି ଅତିଥିଙ୍କ ମଧ୍ୟରେ ବିବାହ କରିବାକୁ ବାଧ୍ୟ ହୋଇଛନ୍ତି ।
ନଜର ପକାନ୍ତୁଏହି ବର୍ଷ କେଉଁ ଖେଳାଳିଙ୍କୁ ମିଳିଛି ନିଜର ଜୀବନ ସାଥୀ , ଏହି ଖେଳାଳିଙ୍କ ମଧ୍ୟରୁ ବିବାହ ବନ୍ଧନରେ ଆବଦ୍ଧ/ନିର୍ବନ୍ଧ ହୋଇଥିବା ଖେଳାଳି-
କୁସ୍ତିଯୋଦ୍ଧା ସଙ୍ଗୀତା ଫୋଗଟ ଓ ବଜରଙ୍ଗ ପୁନିଆ 25 ନଭେମ୍ବରରେ ବିବାହ ବନ୍ଧନରେ ଆବନ୍ଧ ହୋଇଛନ୍ତି ।
କ୍ରିକେଟର ବିଜୟ ଶଙ୍କର ନିଜର ବାନ୍ଧବୀ ବୈଶାଳୀ ବିଶ୍ବସ୍ବରମଙ୍କ ସହ ଅଗଷ୍ଟ 21 ତାରିଖରେ ନିର୍ବନ୍ଧ କରିଛନ୍ତି ।
ଷ୍ଟାର ଲେଗ ସ୍ପିନର ୟୁଜଭେନ୍ଦ୍ର ଚହଲ ଓ କୋରିଓଗ୍ରାଫର ଧନଶ୍ରୀ ବର୍ମା ଦୀର୍ଘ ଦିନର ପ୍ରେମକୁ ଡିସେମ୍ବର 22ରେ ବିବାହର ନାମ ଦେଇଛନ୍ତି ।
ଇଣ୍ଡିଜ ଓ କିଙ୍ଗ୍ସ ଏକାଦଶ ପଞ୍ଜାବର ଷ୍ଟାର ବ୍ୟାଟ୍ସମ୍ୟାନ ନିକୋଲାସ ପୁରୋନ ନିଜର ଗାର୍ଲଫ୍ରେଣ୍ଡ କେଥରିନା ମିଗୁଏଲଙ୍କ ସହ 17 ନଭେମ୍ବରକୁ ନିର୍ବନ୍ଧ କରିଛନ୍ତି ।
ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଓ ଅଭିନେତ୍ରୀ ନତାଶା ଷ୍ଟେଙ୍କୋବିକ 31 ମଇରେ ବିବାହ ବନ୍ଧନରେ ଆବଦ୍ଧ ହୋଇଛନ୍ତି ।
ଅଷ୍ଟ୍ରେଲିଆ ଓ କିଙ୍ଗ୍ସ ଏକାଦଶ ଷ୍ଟାର ଅଲରାଉଣ୍ଡର ଗ୍ଳେନ ମାକ୍ସୱେଲ ନିଜର ଭାରତୀୟ ଗାର୍ଲଫ୍ରେଣ୍ଡ ବିନି ରମଣଙ୍କ ସହ ମାର୍ଚ୍ଚ 14 ତାରିଖରେ ନିର୍ବନ୍ଧ କରିଛନ୍ତି ।
ପୂର୍ବତନ ସର୍ଟଲର ଜ୍ବାଲା ଗୁଟ୍ଟା ଦକ୍ଷିଣ ସିନେମା ଜଗତର ଅଭିନେତା ବିଷ୍ଣୁ ବିଶାଲଙ୍କ ସହ ସେପ୍ଟେମ୍ବର 17ରେ ନିର୍ବନ୍ଧ କରିଛନ୍ତି ।