କାର୍ଡିଫ୍ଫି: ଆଜି ବିଶ୍ବକପରେ ଦୁଇଟି ମୁକାବିଲା । ପ୍ରଥମ ମ୍ୟାଚରେ ଶ୍ରୀଲଙ୍କା ଡିପେଣ୍ଡିଂ ଚମ୍ପିଆନ ଅଷ୍ଟ୍ରେଲିଆକୁ ଭେଟୁଛି । ସେହିପରି 2ୟ ମ୍ୟାଚରେ ଯୁବ ଆଫଗାନ ଦଳକୁ ଭେଟୁଛି ଦକ୍ଷିଣ ଆଫ୍ରିକା । ତେବେ 3ଟି ମ୍ୟାଚ ଖେଳି 3ଟିରେ ପରାଜୟ ପାଇଥିବା ଦକ୍ଷିଣ ଆଫ୍ରିକା ଆଜି ପ୍ରଥମ ବିଜୟ ଲକ୍ଷ୍ୟରେ ରହିଛି । ଅନ୍ୟପଟେ ଯୁବ ଆଫଗାନିସ୍ତାନ ଦଳ ମଧ୍ୟ ଟୁର୍ଣ୍ଣାମେଣ୍ଟରେ ଗୋଟିଏ ହେଲେ ବି ମ୍ୟାଚ ଜିତିପାରି ନାହିଁ । ତେଣୁ ଆଜି ଯେଉଁ ଦଳ ପରାଜୟର ମୁହଁ ଦେଖୁଛି, ଉକ୍ତ ଦଳ ଟୁର୍ଣ୍ଣାମେଣ୍ଟରେ ତିଷ୍ଠି ରହିବା ମୁସକିଲ ହୋଇଯିବ ।
ଉଭୟ ଦଳ ପଏଣ୍ଟ ତାଲିକାର ନିମ୍ନରେ ରହିଛନ୍ତି । ଦକ୍ଷିଣ ଆଫ୍ରିକାର 3ଟି ପରାଜୟ ହୋଇଥିବା ବେଳେ ବର୍ଷା ଯୋଗୁଁ ଗୋଟିଏ ମ୍ୟାଚ ବାତିଲ ହୋଇ ଦଳ ଏକ ପଏଣ୍ଟ ପାଇଛି । ସେହିପରି 3ଟି ମ୍ୟାଚ ଖେଳିଥିବା ଆଫଗାନ ଦଳ ମଧ୍ୟ 3ଟିରେ ପରାଜୟ ପାଇଛି । ଦଳ ଅଷ୍ଟ୍ରେଲିଆ, ଶ୍ରୀଲଙ୍କା ଓ ନ୍ୟୁଜିଲାଣ୍ଡଠାରୁ ପରାସ୍ତ ହୋଇଛି । ତେଣୁ ଉଭୟ ଦଳ ଆଜି ମ୍ୟାଚରେ ପ୍ରଥମ ବିଜୟ ଲକ୍ଷ୍ୟରେ ରହିବେ ।