ହାଇଦ୍ରାବାଦ: 38ବର୍ଷରେ ପଦାର୍ପଣ କରିଛନ୍ତି ଭାରତୀୟ ପୂର୍ବତନ ଅଧିନାୟକ ଏମଏସ ଧୋନି । ଭାରତୀୟ କ୍ରିକେଟକୁ ବିଶ୍ବ ସ୍ତରରେ ନୂଆ ଏକ ପରିଚୟ ଦେଇଥିବା ଏହି ୱିକେଟ କିପର ବ୍ୟାଟ୍ସମ୍ୟାନଙ୍କ ଆଜି ହେଉଛି ଜନ୍ମଦିନ । ତେବେ ଜନ୍ମଦିନରେ କ୍ରିକେଟରଙ୍କ ଠାରୁ ଆରମ୍ଭ କରି ସମସ୍ତ ସେଲିବ୍ରିଟି ପର୍ଯ୍ୟନ୍ତ ସୋସିଆଲ ମିଡିଆରେ ଧୋନିଙ୍କୁ ଶୁଭେଚ୍ଛା ଜଣାଇଛନ୍ତି ।
ତେବେ ସବୁଠାରୁ ଚମତ୍କାର ଟ୍ବିଟ କରି ଧୋନିଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ପୂର୍ବତନ ଭାରତୀୟ ଓପନର ବିରେନ୍ଦ୍ର ସେହ୍ବାଗ । ଧୋନିଙ୍କ ଜର୍ସି ନମ୍ବର ଓ ଜନ୍ମ ତାରିଖ ଭିତରେ ସାମଞ୍ଜ୍ୟସ ଦର୍ଶାଇ ସେହ୍ବାଗ ଏମିତି ଲେଖିଛନ୍ତି । ବିଶ୍ବର 7ଟି ମହାଦେଶ, ସପ୍ତାହର 7 ଦିନ, ଇନ୍ଦ୍ରଧନୁର 7 ରଙ୍ଗ, ସଙ୍ଗୀତର ସାତ ସ୍ବର ପରି ବର୍ଷର 7ମ ମାସର 7ମ ଦିନରେ ବିଶ୍ବର ଚମତ୍କାର କ୍ରିକେଟର ଏମଏସ ଧୋନିଙ୍କୁ ଜନ୍ମଦିନର ଅନେକ ଅଭିନନ୍ଦନ ।