ମୁମ୍ବାଇ:ଚେନ୍ନାଇ ସୁପର କିଙ୍ଗ୍ସ କ୍ୟାପଟେନ ମହେନ୍ଦ୍ର ସିଂହ ଧୋନିଙ୍କୁ ନିଜ ପୂରୁଣା ଅନ୍ଦାଜରେ ଦେଖିବାକୁ ମିଳିଛି । ଚେନ୍ନାଇର ନେଟ୍ସ ସେସନରେ ଧୋନିଙ୍କ ବ୍ୟାଟରୁ ଛକା ବର୍ଷା ହୋଇଛି । ପଡିଆର ସବୁସ୍ଥାନକୁ ବିଶାଳଛକା ମାନ ଲଗାଇ ବିରୋଧି କ୍ୟାମ୍ପରେ କମ୍ପନ ସୃଷ୍ଟି କରିଛନ୍ତି ଧୋନି ।
ଆଇପିଏଲ ଟୁର୍ଣ୍ଣାମେଣ୍ଟର ସବୁଠୁ ସ୍ଥିର ପ୍ରଦର୍ଶନକାରୀ ଟିମ ରହିଛି ଚେନ୍ନାଇ ସୁପର କିଙ୍ଗ୍ସ । ଟିମର ଅଭିଜ୍ଞତା ଓ ଧୋନିଙ୍କ ଅଧିନାୟକତ୍ବ ଟିମ ବିଜୟର ମୂଳମନ୍ତ୍ର ହୋଇଛି ।
ମାତ୍ର ଗତ ସଂସ୍କରଣରେ ଚେନ୍ନାଇ ପ୍ଲେ-ଅଫରେ ସ୍ଥାନ ହାସଲ କରିବାକୁ ବିଫଳ ହୋଇଥିଲା । ଫଳରେ ଆଇପିଏଲ 2021 ସଂସ୍କରଣରେ ଭଲ ପ୍ରଦର୍ଶନ ଲକ୍ଷ୍ୟରେ ରହିଛି ସିଏସକେ ।