ନୂଆଦିଲ୍ଲୀ: କ୍ରିକେଟ ପଡିଆରେ ଟିମ ଇଣ୍ଡିଆ କ୍ୟାପଟେନ ବିରାଟ କୋହଲିଙ୍କ ରେକର୍ଡ ବିଷୟରେ ସମସ୍ତେ ପରିଚିତ । ନିକଟରେ ବିରାଟ ଗୋଟିଏ ଦଶନ୍ଧିରେ 20,000 ରନ କରିବାରେ ଦୁନିଆର ପ୍ରଥମ ବ୍ୟାଟ୍ସମ୍ୟାନ ହୋଇଛନ୍ତି । ତେବେ ପଡିଆ ବାହାରେ ବିରାଟଙ୍କୁ ମିଳିଛି ଆଉଏକ ଉପଲବ୍ଧି । ସୋସିଆଲ ମିଡିଆରେ ମଧ୍ୟ ବିରାଟ ସମସ୍ତଙ୍କୁ ପଛରେ ପକାଇଛନ୍ତି ।
ସୋସିଆଲ ମିଡିଆ (ଟ୍ବିଟର ଫେସବୁକ ଓ ଇନଷ୍ଟାଗ୍ରାମ) ପ୍ରତ୍ୟେକ ଟିରେ ବିରାଟଙ୍କୁ 3 କୋଟିରୁ ଅଧିକ ଲୋକେ ଫଲୋ କରିଛନ୍ତି ।
ମାଷ୍ଟର ବ୍ଳାଷ୍ଟର ସଚିନ ତେନ୍ଦୁଲକରଙ୍କର ଟ୍ବିଟରରେ ପାଖାପାଖି ସମାନ ସଂଖ୍ୟକ ଫଲୋଅର ରହିଛନ୍ତି ।
ମାତ୍ର ଫେସବୁକ ଓ ଇନଷ୍ଟାଗ୍ରାମରେ ବିରାଟଙ୍କଠୁ ପଛରେ ରହିଛନ୍ତି ସଚିନ । ସଚିନଙ୍କୁ ଫେସବୁକରେ 2କୋଟି 80 ଲକ୍ଷ ଓ ଇନଷ୍ଟାଗ୍ରାମରେ ପାଖାପାଖି 2କୋଟି ଲୋକେ ଫଲୋ କରିଛନ୍ତି ।