ସିଡନୀ:ସୋସିଆଲ ମିଡିଆରେ ସକ୍ରିୟ ଥିବା ଖେଳାଳିଙ୍କ ମଧ୍ୟରେ ଅନ୍ୟତମ ରହିଛନ୍ତି ଅଷ୍ଟ୍ରେଲୀୟ କ୍ରିକେଟର ଡେଭିଡ ୱାର୍ଣ୍ଣର । ନିଜର ଟିକଟକ ଭିଡିଓକୁ ନେଇ ଚର୍ଚ୍ଚାରେ ରହିଥିବା ୱାର୍ଣ୍ଣର ଫେସ ସ୍ବାପ ଭିଡିଓ ମଧ୍ୟ ବନାଇଛନ୍ତି । ଏକାଧିକ ମଜାଦାର ଫଟୋ ଓ ଭିଡିଓ ସେୟାର କରଥାନ୍ତି । ୱାର୍ଣ୍ଣରଙ୍କ ପ୍ରଫାଇଲ ତାଙ୍କର ଝିଅ ଓ ପତ୍ନୀ କେଣ୍ଡିସ ୱାର୍ଣ୍ଣରଙ୍କ ଫଟୋରେ ଭରପୁର ରହିଛି । ତେବେ ୱାର୍ଣ୍ଣରଙ୍କ ଏକ ସଦ୍ୟତମ ପୋଷ୍ଟ ଚର୍ଚ୍ଚାର ବିଷୟ ପାଲଟିଛି ।
ଏହି ପୋଷ୍ଟରେ ସେ, ଭାରତୀୟ କ୍ୟାପଟେନ ବିରାଟ କୋହଲିଙ୍କୁ ଧନ୍ୟବାଦ ଜଣାଇଛନ୍ତି । ୱାର୍ଣ୍ଣରଙ୍କ ଝିଅ ଇଣ୍ଡିଙ୍କୁ ବିରାଟ ନିଜର ଟେଷ୍ଟ ଜର୍ସି ଉପହାର ସ୍ବରୂପ ଭେଟିଦେଇଛନ୍ତି । ଭାରତୀୟ ଟିମ ଅଷ୍ଟ୍ରେଲିଆ ବିପକ୍ଷରେ ଟି-20 ଓ ଟେଷ୍ଟ ସିରିଜ ଜିତିଛି । ବିରାଟ ଇଣ୍ଡିଙ୍କୁ ଦେଇଥିବା ଟେଷ୍ଟ ଜର୍ସି ଉପହାରକୁ ୱାର୍ଣ୍ଣର ଏବେ ସେୟାର କରିଛନ୍ତି ।