ଗୌହାଟୀ: ବିରାଟଙ୍କ ଫ୍ୟାନ୍ସ ଦେଶର କୋଣ ଅନୁକୋଣରେ ରହିଛନ୍ତି । ଗୌହାଟୀରେ ମଧ୍ୟ ବିରାଟଙ୍କୁ ମିଳିଯାଇଛନ୍ତି ତାଙ୍କର ଜଣେ ଡାଏ -ହାର୍ଡ ଫ୍ୟାନ । ସେହି ଯୁବକ ଜଣକ ଖରାପ ମୋବାଇଲକୁ ବ୍ୟବହାର କରି କୋହଲିଙ୍କ ଏକ ଫଟୋ ତିଆରି କରିଛନ୍ତି ।
ରାହୁଲଙ୍କ ସେହି ଫଟୋକୁ ଦେଖି ବିରାଟ ବି ଆଶ୍ଚର୍ଯ୍ୟ ହୋଇ ଯାଇଥିଲେ । ତେବେ ଏହି ଖାସ ଫଟୋରେ ଅଟୋଗ୍ରାଫ ମଧ୍ୟ ଦେଇଛନ୍ତି କୋହଲି ।
ବିସିସିଆଇ ନିଜର ଟ୍ବିଟର ଆକାଉଣ୍ଟରେ ଭିଡିଓ ସେୟାର କରି ଲେଖିଛି ଯେ, ପୁରୁଣା ଫୋନରେ ତିଆରି ବିରାଟଙ୍କ ଫଟୋ, କହନ୍ତୁ କୋହଲିଙ୍କ ଫ୍ୟାନଙ୍କ ଏପରି ପ୍ରେମ କିପରି ଲାଗୁଛି ।
ତେବେ ଭିଡିଓରେ ରାହୁଲ କହିଛନ୍ତି ଯେ, ଏପରି ଆର୍ଟ ଭାରତରେ କେବଳ ସେ ବନେଇଛନ୍ତି । ତେଣୁ ତାଙ୍କୁ ଇଣ୍ଡିଆ ବୁକ ଅଫ୍ ରେକର୍ଡର ପୁରସ୍କାର ମିଳିଛି । ରାହୁଲଙ୍କୁ ଏହି ଆର୍ଟ ବନେଇବାକୁ 3ଦିନ ଓ 3ରାତି ସମୟ ଲାଗିଛି ।
ସୂଚନାଥାଉକି, ଆଜି ଗୌହାଟୀରେ ଭାରତ-ଶ୍ରୀଲଙ୍କା ମଧ୍ୟରେ 3ମ୍ୟାଚ ବିଶିଷ୍ଟ ଟି-20 ସିରିଜର ପ୍ରଥମ ମ୍ୟାଚ ଖେଳାଯିବ ।