ହାଇଦ୍ରାବାଦ: ବିଜୟ ହଜାରେ ଟ୍ରଫିରେ ଓଡିଶାର ପ୍ରଥମ ବିଜୟ । ବିହାର ବିପକ୍ଷରେ 7 ୱିକେଟରେ ବିଜୟୀ ହୋଇଛି ଓଡିଶା । ବିହାର ପକ୍ଷରୁ ଧାର୍ଯ୍ୟ 256 ରନର ବିଜୟ ଲକ୍ଷ୍ୟକୁ 3 ୱିକେଟ ହରାଇ ହାସଲ କରିନେବା ସହ ଦମଦାର ବିଜୟ ହାସଲ କରିଛି ଟିମ ଓଡିଶା । ଅଧିନାୟକ ସାନ୍ତନ୍ତୁ ମିଶ୍ର 107 ବଲରୁ 6ଚି ଚୌକା ଓ ଗୋଟିଏ ଛକା ସହାୟତାରେ 76 ରନର ଅଧିନାୟକ ପାଳି ଖେଳିଛନ୍ତି ।
ସନ୍ଦୀପ ପଟ୍ଟନାୟକ 64 ଓ ଶୁଭ୍ରାଂଶୁ ସେନାପତି 11 ରନ କରି ଆଉଟ ହୋଇଥିଲେ । ମାତ୍ର କାର୍ତ୍ତିକ ବିଶ୍ବାଳ ଓ ଅଙ୍କିତ ଯାଦବଙ୍କ ଚମତ୍କାର ଅପରାଜେୟ ଭାଗିଦାରୀ ଭଲରେ ପରେ ବିନା କୌଣସି କ୍ଷତିରେ ବିଜୟ ଲକ୍ଷ୍ୟ ହାସଲ କରିଥିଲା ଓଡିଶା । ଶେଷ ପର୍ଯ୍ୟନ୍ତ ଅପରାଜିତ ରହିବା ସହ କାର୍ତ୍ତିକ 53 ଓ ଅଙ୍କିତ 43 ରନର ପାଳି ଖେଳିଥିଲେ । ଫଳରେ 48.1 ଓଭରରେ ଓଡିଶାକୁ ଚଳିତ ଟୁର୍ଣ୍ଣାମେଣ୍ଟର ବହୁ ପ୍ରତିକ୍ଷୀତ ବିଜୟ ମିଳିଥିଲା ।