ପୋଚେପଷ୍ଟ୍ରୋମ୍: 19 ବର୍ଷ କମ୍ ବିଶ୍ବକପ ଫାଇନାଲ ମ୍ୟାଚରେ ଡିଫେଣ୍ଡିଙ୍ଗ ଚମ୍ପିଆନ ଭାରତକୁ ଭେଟିବ ଯୁବ ବାଂଲାଦେଶ ଟିମ୍ । ଫେବୃଆରୀ 4ରେ ଭାରତ ସେମିଫାଇନାଲ ମ୍ୟାଚରେ ପାକିସ୍ତାନ ଦଳକୁ 10 ଓ୍ବିକେଟ୍ରେ ପରାସ୍ତ କରି ଫାଇନାଲରେ ପ୍ରବେଶ କରିଥିଲା । ତେବେ 9 ଫେବୃଆରୀରେ ଭାରତ-ବାଂଲାଦେଶ ମଧ୍ୟରେ ଫାଇନାଲ ଟକ୍କର ହେବ ।
ଗୁରୁବାର ନ୍ୟୁଜିଲାଣ୍ଡ-ବାଂଲାଦେଶ ମଧ୍ୟରେ 2ୟ ସେମିଫାଇନାଲ ମ୍ୟାଚ ଖେଳାଯାଇଥିଲା । ବାଂଲାଦେଶର ଯୁବ ଖେଳାଳିମାନେ ଦମ୍ଦାର ପ୍ରଦର୍ଶନ କରି 6 ଓ୍ବିକେଟରେ କିଓ୍ବି ଦଳକୁ ମାତ୍ ଦେଇ ଇତିହାସ ରଚିଛନ୍ତି । ଅକ୍ବର ଅଲ୍ଲୀଙ୍କ ନେତୃତ୍ବରେ ପ୍ରଥମ ଥର ପାଇଁ ବାଂଲାଦେଶ 19 ବର୍ଷରୁ କମ ବିଶ୍ବକପ୍ରେ ଫାଇନାଲ ମ୍ୟାଚରେ ସ୍ଥାନ ପକ୍କା କରିଛି ।