ଭାରତୀୟ କ୍ରିକେଟର ଶାହରୁଖ-ସଲମାନ୍‌, ଜାଣନ୍ତୁ କିଏ

ବଲିଉଡ ସୁପରଷ୍ଟାର ସଲମାନ ଖାନ ଓ ଶାହାରୁଖ ଖାନଙ୍କ ନାମରେ ଦୁଇ ଜଣ ଭାରତୀୟ କ୍ରିକେଟର ରହିଛନ୍ତି । ତେବେ କିଏ ସେମାନେ ଜାଣନ୍ତୁ ।

ନୂଆଦିଲ୍ଲୀ: କ୍ରିକେଟର ବଲିଉଡ ସଂଯୋଗ ଆପଣମାନେ ଶୁଣିଥିବେ । ମାତ୍ର ବଲିଉଡ ଷ୍ଟାରଙ୍କ ନାମରେ ଭାରତୀୟ କ୍ରିକେଟରଙ୍କ ନାମ ଅଛି, ବୋଲି ଆପଣ ପ୍ରଥମଥର ଶୁଣିବେ । ତେବେ ବଲିଉଡ ସୁପରଷ୍ଟାର ସଲମାନ ଖାନ ଓ ଶାହାରୁଖ ଖାନଙ୍କ ନାମରେ ଦୁଇ ଜଣ ଭାରତୀୟ କ୍ରିକେଟର ରହିଛନ୍ତି । ସେମାନେ ଭିନ୍ନ ଭିନ୍ନ ରାଜ୍ୟ ପକ୍ଷରୁ ଖେଳୁଛନ୍ତି । ଏହି ଦୁଇ ଜଣ ହେଉଛନ୍ତି ମାସୁଦ ଶାହରୁଖ ଖାନ ଓ ସଲମାନ ଫାରୁଖ ଖାନ ।

20 ବର୍ଷୀୟ ସଲମାନ ଫାରୁଖ ଖାନ ରାଜସ୍ଥାନ ପାଇଁ ଖେଳୁଥିବା ବେଳେ ଚେନ୍ନାଇରେ ଜନ୍ମିତ ମାସୁଦ ଶାହରୁଖ ଖାନ ତାମିଲନାଡୁ ପକ୍ଷରୁ ପ୍ରତିନିଧିତ୍ୱ କରୁଛନ୍ତି । ଉଭୟ ଶାହରୁଖ ଓ ସଲମାନ ନିମ୍ନ କ୍ରମର ବ୍ୟାଟ୍ସମ୍ୟାନ । ସେମାନେ ଅଫ୍‌ ସ୍ପିନର ମଧ୍ୟ । 2014ରେ ତାମିଲନାଡୁ ଦଳରେ ଶାହରୁଖ ସ୍ଥାନ ପାଇବା ସତ୍ତ୍ୱେ ପ୍ରଥମ ଶ୍ରେଣୀ କ୍ରିକେଟରେ ପଦାର୍ପଣ କରିଥିଲେ । ସେହିପରି ରାଜସ୍ଥାନରେ ଜନ୍ମିତ ସଲମାନ 17 ବର୍ଷ ବୟସରେ 2016 ମସିହାରେ ଓଡ଼ିଶା ବିପକ୍ଷ ମ୍ୟାଚରେ ପଦର୍ପଣ କରିଥିଲେ ।