ପୁନେ: ପୁନେ ପହଞ୍ଚିଲା ଟିମ ଇଣ୍ଡିଆ । ବିରାଟ କୋହଲିଙ୍କ ନେତୃତ୍ବରେ ଭାରତୀୟ ଟିମ ରବିବାର ପୁନେ ପହଞ୍ଚିଛି । ଟି20 ସିରିଜ ପରେ ଇଂଲଣ୍ଡ ବିପକ୍ଷରେ 3 ମ୍ୟାଚ ବିଶିଷ୍ଟ ଦିନିକିଆ ସିରିଜ ପୁନେରେ ଖେଳାଯିବ ।
ଆଗାମୀ ସିରିଜ ଦିନିକିଆ ସୁପର ଲିଗ ଅନ୍ତର୍ଭୁକ୍ତ । ଟି20 ସିରିଜରେ ବିଜୟ ପରେ ଦିନିକିଆ ସିରିଜ ହାତେଇବା ଲକ୍ଷ୍ୟରେ ରହିଛି ବିରାଟ ବାହିନୀ ।
ଭାରତୀୟ ଦ୍ରୁତ ବୋଲର ମହମ୍ମଦ ସିରାଜ ରବିବାର ଇନଷ୍ଟାଗ୍ରାମରେ ଅହମ୍ମଦାବାଦରୁ ପୁନେ ବିମାନଯାତ୍ରା ବେଳର ଫଟୋ ସେୟାର କରିଛନ୍ତି ।
ପୂର୍ବରୁ ବିସିସିଆଇ ଦିନିକିଆ ସିରିଜ ପାଇଁ ଭାରତୀୟ ସ୍କ୍ବାଡ ଘୋଷଣା କରିସାରିଛି । ସିରିଜର ପ୍ରଥମ ମ୍ୟାଚ ମାର୍ଚ୍ଚ 23ରେ ଖେଳାଯିବ । ଦ୍ବିତୀୟ ଦିନିକିଆ ମାର୍ଚ୍ଚ 26 ଓ ତୃତୀୟ ଦିନିକିଆ 28ରେ ଖେଳାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ