ମେଲବୋର୍ଣ୍ଣ: ଭାରତୀୟ ଟେଷ୍ଟ ସ୍କ୍ବାଡରେ ସାମିଲ ହେଲେ ତାମିଲନାଡୁ ରଣଜି ଦ୍ରୁତ ବୋଲର ଟି ନଟରାଜନ । ଉମେଶ ଯାଦବଙ୍କ ସ୍ଥାନରେ ଜାନୁଆରୀ 7ରୁ ଆରମ୍ଭ ହେବାକୁ ଯାଉଥିବା ନଟରାଜନଙ୍କୁ ଦଳରେ ସାମିଲ କରାଯାଇଛି ।
ମେଲବୋର୍ଣ୍ଣରେ ଖେଳାଯାଇଥିବା ବର୍ଡର-ଗାଭାସ୍କର ଟ୍ରଫି ଟେଷ୍ଟର ତୃତୀୟ ଦିନରେ ଉମେଶ ଯାଦବଙ୍କ ମାଂସପେଶୀରେ ଆଘାତ ଲାଗିଥିଲା । ପରେ ତାଙ୍କର ସ୍କାନ କରାଯାଇଥିଲା । ସିରିଜର ଅବଶିଷ୍ଟ ଦୁଇଟି ଟେଷ୍ଟ ପୂର୍ବରୁ ସୁସ୍ଥ ନହେବା ଜଣା ପଡିବାପରେ ବାଦ ପଡିଥିଲେ । ଅନ୍ୟପଟେ ମହମ୍ମଦ ସାମି ଆହତ ହୋଇ ବାଦ ପଡିବାପରେ ଶାର୍ଦ୍ଦୁଳ ଠାକୁରଙ୍କୁ ସ୍କ୍ବାଡରେ ସାମିଲ କରାଯାଇଛି । ଉଭୟ ସାମି ଓ ଯାଦବ ଜାତୀୟ କ୍ରିକେଟ ଏକାଡାମୀ ବେଙ୍ଗାଲୁରୁରେ ଆହତ ସମସ୍ୟାରୁ ମୁକୁଳିବା ପର୍ଯ୍ୟନ୍ତ ରହିବେ ।