ହାଇଦ୍ରାବାଦ:ସୟଦ ମୁସ୍ତାକ ଅଲ୍ଲୀ ଟି-20 ଟ୍ରଫି ଟୁର୍ଣ୍ଣାମେଣ୍ଟ ପାଇଁ ମୁମ୍ବାଇ ଦଳ ଘୋଷଣା । ସୂର୍ଯ୍ୟକୁମାର ଯାଦବଙ୍କୁ ଅଧିନାୟକ ଓ ଆଦିତ୍ୟ ତାରେଙ୍କୁ ଉପ ଅଧିନାୟକ ଦାୟିତ୍ବ ମିଳିଛି । ଏଥିସହ ଘୋଷିତ ସ୍କ୍ବାଡରେ ଯୁବ ବ୍ୟାଟ୍ସମ୍ୟାନ ଜଶସ୍ବୀ ଜୟଶ୍ବାଲ, ସର୍ଫରାଜ ଖାନ, ସିଦ୍ଧେଶ ଲାଡ ଓ ଅଲରାଉଣ୍ଡର ଶିବମ ଦୁବେଙ୍କ ନାମ ରହିଛି । ଶନିବାର ମୁମ୍ବାଇ କ୍ରିକେଟ ଆସୋସିଏସନର ୱେବସାଇଟରୁ ଏହି ସୂଚନା ମିଳିଛି ।
ତେବେ ଚୟନ ହୋଇଥିବା ସମସ୍ତ ଖେଳାଳିଙ୍କୁ କୋଭିଡ ଟେଷ୍ଟ ପାଇଁ RT-PCR ଟେଷ୍ଟ କରିବାକୁ ହେବ । 29 ଡିସେମ୍ବର ସୁଦ୍ଧା ନେଗେଟିଭ ରିପୋର୍ଟ ସହ ୱାଙ୍ଖେଡେ ଷ୍ଟାଡିୟମରେ ଉପସ୍ଥିତ ରହିବାକୁ ଖେଳାଳିଙ୍କୁ ନିର୍ଦ୍ଦେଶ ରହିଛି ।