ହାଇଦ୍ରାବାଦ: ବଲିଉଡ ଅଭିନେତା ସୋନୁ ସୁଦ ଗତ କିଛିଦିନ ହେବ ବେଶ ଚର୍ଚ୍ଚାରେ ରହିଛନ୍ତି, ଆଉ ଏହାର କାରଣ ହୋଇଛି କୋରୋନା ମହାମାରୀ ଯୋଗୁଁ ଲକଡାଉନରେ ବିଭିନ୍ନ ରାଜ୍ୟରେ ଫସି ରହିଥିବା ଲୋକଙ୍କୁ ସେ ନିଜ ନିଜ ଘରକୁ ଫେରିବାର ସାହାଯ୍ୟ କରୁଛନ୍ତି । ସୋନୁଙ୍କ ଏହି କାର୍ଯ୍ୟ ପାଇଁ ତାଙ୍କୁ ବେଶ୍ ପ୍ରଶଂସା କରିଛନ୍ତି ସମସ୍ତେ, ସେ ବଲିଉଡ ସେଲିବ୍ରିଟି ହୁଅନ୍ତୁ, ନେତା ମନ୍ତ୍ରୀ ହୁଅନ୍ତୁ ବା ସ୍ପୋର୍ଟ୍ସ ମ୍ୟାନ ସମସ୍ତେ ସୋନୁଙ୍କ କାର୍ଯ୍ୟ ପାଇଁ ତାଙ୍କୁ ଶୁଭେଚ୍ଛା ଦେଇଛନ୍ତି । ତେବେ ଏହିକ୍ରମରେ ସୁରେଶ ରାଇନା ମଧ୍ୟ ସୋନୁଙ୍କୁ ଟ୍ବିଟ କରି ପ୍ରଶଂସା କରିଛନ୍ତି ।
ରାଇନା ସୋନୁ ପ୍ରବାସୀଙ୍କୁ ବସ ଯୋଗେ ପଠାଉଥିବାର ଏକ ଭିଡିଓ ସେୟାର କରି ଲେଖିଛନ୍ତି, ‘‘ଏହି ବିପତ୍ତି କାଳରେ ସୋନୁ ସୁଦ ବିଭିନ୍ନ ରାଜ୍ୟର ପ୍ରବାସୀଙ୍କୁ ନିଜ ରାଜ୍ୟକୁ ପଠାଇବା ପାଇଁ ଦିନ ରାତି କାର୍ଯ୍ୟ କରୁଛନ୍ତି । ବିପତ୍ତି କାଳରେ ଏହି କାର୍ଯ୍ୟ ପାଇଁ ସୋନୁ ସୁଦଙ୍କୁ ଦେଶ ସବୁବେଳେ ମନେ ରଖିବ ।’’