ନୂଆଦିଲ୍ଲୀ: ଏମଏସ ଧୋନି ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା ପରେ ଭାରତର ପରବର୍ତ୍ତୀ ୱିକେଟ୍ କିପର ବ୍ୟାଟ୍ସମ୍ୟାନ କିଏ ହେବା ଉଚିତ ସେ ନେଇ ବିତର୍କ ପୂର୍ବ ଅପେକ୍ଷା ଅଧିକ ଦେଖା ଦେଇଛି । ଋଷଭ ପନ୍ତ ନଂ-1 ପସନ୍ଦ ହୋଇଥିଲେ ମଧ୍ୟ ବ୍ୟାଟିଂରେ ତାଙ୍କ ଭଲ ପ୍ରଦର୍ଶନ ନରହିବା ଯୋଗୁଁ ହ୍ବାଇଟ୍ ବଲ୍ କ୍ରିକେଟରେ ଏହା କଏଲ ରାହୁଲଙ୍କ ପଥ ପରିଷ୍କାର କରିଛି । ସେପଟେ ରିଦ୍ଧିମାନ ସାହା ଦୀର୍ଘ ସମୟ ଧରି ଖେଳର ଲମ୍ବା ଫର୍ମାଟରେ ନିଜର ଫର୍ମରେ ରହିଆସିଥିଲେ । ଖେଳର କ୍ଷୁଦ୍ର ଫର୍ମାଟରେ ସଞ୍ଜୁ ସାମସନଙ୍କ ପ୍ରଦର୍ଶନ ତାଙ୍କୁ ମଧ୍ୟ ଏହି ଦୌଡ଼ର ଏକ ପ୍ରତିଦ୍ବନ୍ଦ୍ବୀ କରିଛି ।
ବହୁ ପ୍ରତୀକ୍ଷିତ ଅଷ୍ଟ୍ରେଲିଆ ସିରିଜ ପୂର୍ବରୁ ଭାରତର ପୂର୍ବତନ ଅଧିନାୟକ ତଥା ବର୍ତ୍ତମାନର ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ବର୍ତ୍ତମାନର ଦୁଇ ଶ୍ରେଷ୍ଠ ୱିକେଟ୍ କିପର-ବ୍ୟାଟ୍ସମ୍ୟାନ୍ଙ୍କୁ ନାମିତ କରିଛନ୍ତି ।
ଏହାସହ ଗାଙ୍ଗୁଲି ଯୁବ ଋଷଭ ପନ୍ତଙ୍କ ପକ୍ଷ ମଧ୍ୟ ନେଇଛନ୍ତି ଯାହାଙ୍କୁ ଆଇପିଏଲ 2020ରେ ଭଲ ପ୍ରଦର୍ଶନ ନକରିବାରୁ ବିଭିନ୍ନ ସମାଲୋଚନାର ଶୀକାର ହେବାକୁ ପଡ଼ିଛି ।