କୋଲକାତା: ବସ୍ ସିଟରେ ବସିବା ପରଠାରୁ ବେଙ୍ଗଲ ଟାଇଗର ବିଶ୍ବର ସବୁଠାରୁ ବିତ୍ତଶାଳୀ ବିସିସିଆଇକୁ ସଫଳତାର ନୂଆ ସୋପାନରେ ପହଞ୍ଚାଇବାର ଉଚ୍ଚାକାଂକ୍ଷାକୁ ସଫଳ ରୂପାୟନ କରିବାରେ ବ୍ୟସ୍ତ । ବିସିସିଆଇର ୩୯ ତମ ଅଧ୍ୟକ୍ଷ ତଥା ଭାରତର ପୂର୍ବ ଅଧିନାୟକ ସୌରଭ ଗାଙ୍ଗୁଲିଙ୍କ ସହ ଇଟିଭି ଭାରତର ସ୍ବତନ୍ତ୍ର ସାକ୍ଷତକାର । ଏହି ଖାସ୍ ଆଲୋଚନାରେ ଇଟିଭି ଭାରତ ଭାରତୀୟ କ୍ରିକେଟ୍ ଦଳର ପ୍ରଥମ ଦିବା/ରାତ୍ର ପିଙ୍କ ବଲ୍ ଟେଷ୍ଟ ଓ ଐତିହାସିକ ଟେଷ୍ଟ ଚାମ୍ପିୟାନସିପ୍ ବିଷୟରେ ସୌରଭଙ୍କ ସହ ଚର୍ଚ୍ଚା କରିଛନ୍ତି ।
ଭାରତ କୋଲ୍କାତାର ଐତିହାସିକ ଇଡେନ୍ ଗାର୍ଡେନ୍ସ ଷ୍ଟାଡିୟମରେ ଭାରତୀୟ କ୍ରିକେଟ୍ ଦଳ ତା'ର ପ୍ରଥମ ଦିବା/ରାତ୍ର ଟେଷ୍ଟ ଖେଳିବା ନିଶ୍ଚିତ ହୋଇଛି। ଏଠାରେ ହେବାକୁ ଥିବା ‘ପିଙ୍କ ବଲ୍ ଟେଷ୍ଟ’ ଅତ୍ୟନ୍ତ ଚମତ୍କାର ହେବାକୁ ଯାଉଛି । ଉତ୍ସୁକତାର ସହ ଦର୍ଶକ ଦେଖିବା ପାଇଁ ପ୍ରତୀକ୍ଷା କରିଥିବା କଥା କହିଛନ୍ତି । ଏଥିପାଇଁ କଠିନ ପରିଶ୍ରମ କରାଯାଇଛି ବୋଲି କହିବା ସହ ସମସ୍ତ ପ୍ରସ୍ତୁତି ଶେଷ ଓ ଇଡେନ୍ ପିଙ୍କ ବଲ୍ ଟେଷ୍ଟର ସାକ୍ଷୀ ରହିବା ପାଇଁ ଅପେକ୍ଷାରେ ରହିଛି ବୋଲି କହିଛନ୍ତି ।
ପ୍ରେସିଡେଣ୍ଟ ପଦଭାର ସମ୍ଭାଳିବା ପରେ ବିସିସିଆଇର ପରିସ୍ଥିତି ପରିବର୍ତ୍ତନ ହେବାରେ ଲାଗିଛି । ଏହା କୈଣସି କମାଲ ନୁହେଁ ବରଂ ସେ ସହିଭଳି ଭାବରେ ଅନେକ ସ୍ଥିତିକୁ ସମ୍ଭାଳିବା ସହ ସୁଧାରିଛନ୍ତି ବୋଲି କହିଛନ୍ତି । କୋଲକାତା ଟେଷ୍ଟର ପ୍ରଥମ ତିନି ଦିନରେ ସମସ୍ତ ଟିକେଟ ବିକ୍ରି ସୌରଭଙ୍କ ପାଇଁ ଖୁସି ଖବର ବୋଲି ସେ କହିଛନ୍ତି । ମାତ୍ର ତିନି ଦିନରେ ସମସ୍ତ ଟିକେଟ ବିକ୍ରି ନେଇ ମୁଣ୍ଡ ଟେକିଥିବା ବିବାଦରେ ମତ ରଖିଛନ୍ତି ।