ହାଇଦ୍ରାବାଦ: ଇଂଲଣ୍ଡ ଅଲରାଉଣ୍ଡର ମୋଇନ ଅଲ୍ଲୀ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ସୋମବାର ଏନେଇ ଇଂଲଣ୍ଡ ଓ ୱେଲ୍ସ କ୍ରିକେଟ ବୋର୍ଡ(ଇସିବି) ପକ୍ଷରୁ ଘୋଷଣା କରାଯାଇଛି ।
ଶ୍ରୀଲଙ୍କା ବିପକ୍ଷ ସିରିଜ ପାଇଁ ଇଂଲଣ୍ଡ ଟିମ ହାମ୍ବାନ୍ତୋତାର ଶ୍ରୀଲଙ୍କା ବିମାନବନ୍ଦରରେ ପହଞ୍ଚିବା ପରେ ତାଙ୍କର ରିପୋର୍ଟ ପଜିଟିଭ ଜଣାପଡିଥିଲା ।
ରବିବାର ଇଂଲଣ୍ଡ ଟେଷ୍ଟ ଟିମ କ୍ୟାପଟେନ ଜୋ ରୁଟଙ୍କ ନେତୃତ୍ବରେ ଶ୍ରୀଲଙ୍କା ପହିଞ୍ଚିଥିଲା । ଜାନୁଆରୀ 14ରୁ ଉଭୟ ଦେଶ ମଧ୍ୟରେ ଦୁଇଟିକିଆ ଟେଷ୍ଟ ସିରିଜ ଖେଳାଯିବ ।
ଶ୍ରୀଲଙ୍କା ଅଭିମୁଖେ ଉଡାଣ ପୂର୍ବରୁ ଗସ୍ତ କରିଥିବା ସମସ୍ତ ସଦସ୍ୟଙ୍କ ରିପୋର୍ଟ ନେଗେଟିଭ ବୋଲି ସ୍ପଷ୍ଟ କରିଥିଲା ଇସିବି । ମାତ୍ର ଶ୍ରୀଲଙ୍କା ବିମାନବନ୍ଦରରେ ପହଞ୍ଚିବାପରେ ସୋମବାର(ଜାନୁଆରୀ 4) PCR ଟେଷ୍ଟ କରାଯାଇଥିଲା । ପରେ ମୋଇନ ଅଲ୍ଲୀଙ୍କ ରିପୋର୍ଟ ପଜିଟିଭ ଥିବା ଜଣାପଡିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
