ନୂଆଦିଲ୍ଲୀ: ଓ୍ବେଷ୍ଟଇଣ୍ଡିଜ ଅଲରାଉଣ୍ଡର ଶେରଫେନ ରଦରଫୋର୍ଡ ପାକିସ୍ତାନ ସୁପରଲିଗ୍ (ପିଏସଏଲ)ର କରାଚି କିଙ୍ଗ୍ସ ଟିମ ପକ୍ଷରୁ ଖେଳିବା ସମୟରେ ମୁମ୍ବାଇ ଇଣ୍ଡିଆନ୍ସର ଗ୍ଲୋବ୍ସ ବ୍ୟବହାର କରିଥିଲେ । ଏହାପରେ ସୋସିଆଲ ମିଡିଆରେ ଟ୍ରୋଲ ହୋଇଛି କରାଚି କିଙ୍ଗ୍ସ ।
ରଦରଫୋର୍ଡ ଆଇପିଏଲ-13ରେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଗୋଟିଏ ବି ମ୍ୟାଚ ଖେଳିବାକୁ ସୁଯୋଗ ପାଇନଥିଲେ । ତେବେ 10 ନଭେମ୍ବରରେ ଆଇପିଏଲ ସରିବା ପରେ ପିଏସଏଲର ପ୍ଲେ ଅଫ୍ରେ ଯୋଗ ଦେବାକୁ ପହଞ୍ଚିଥିଲେ । ସେହି ସମୟରେ କରାଚି ଏୟାରପୋର୍ଟରେ ସେ ମୁମ୍ବାଇ ଇଣ୍ଡିଆନ୍ସର ଜର୍ସି ପିନ୍ଧି ଥିବାର ଦେଖିବାକୁ ମିଳିଥିଲେ । ଏହାପରେ ସୋସିଆଲ ମିଡିଆରେ କରାଚି କିଙ୍ଗ୍ସ ଟିମ ଟ୍ରୋଲ ହୋଇଛି ।