ରାୟପୁର: ରୋଡ ସେଫ୍ଟି ୱାର୍ଲ୍ଡ ସିରିଜ ଟି20 ଇଂଲଣ୍ଡ ଲିଜେଣ୍ଡର ପ୍ରଥମ ବିଜୟ । କ୍ୟାପଟେନ କେଭିନ ପିଟରସନଙ୍କ ଦମଦାର ବ୍ୟାଟିଂ ବଳରେ ବାଂଲାଦେଶ ଲିଜେଣ୍ଡକୁ ହରାଇଲା ଇଂଲଣ୍ଡ ଲିଜେଣ୍ଡ । ସହିଦ ବୀର ନାରାୟଣ ସିଂହ ଷ୍ଟାଡିୟମ ରାୟପୁରରେ ଖେଳାଯାଇଥିବା ମ୍ୟାଚରେ 114 ରନର ବିଜୟ ଲକ୍ଷ୍ୟକୁ 14 ଓଭରରେ ହାସଲ କରିନେଇଥିଲା ଇଂଲଣ୍ଡ ।
ଡାରେନ ମ୍ୟାଡି ଅପରାଜିତ 32 ରନର ଇଂନିସ ଖେଳିଥିଲେ । କେଭିନ ପିଟରସନ 17 ବଲରୁ 42 ରନର ବିସ୍ଫୋରକ ଇଂନିସ ଖେଳିଥିଲେ । ପୂର୍ବରୁ ପିଟରସନ ଟସ ଜିତିବା ସହ ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ । ଇଂଲଣ୍ଡ ବୋଲର ଶାଣିତ ବୋଲିଂ ବଳରେ ବାଂଲାଦେଶକୁ ନିର୍ଦ୍ଧାରିତ 20 ଓଭରରେ 113 ରନରେ ରୋକିଥିଲେ । ଇଂଲଣ୍ଡ ପକ୍ଷରୁ କ୍ରିସ ଟ୍ରେମଲେଟ 10 ରନ ବ୍ୟୟରେ ଦୁଇଟି ୱିକେଟ ଅକ୍ତିଆର କରି ସଫଳ ବୋଲର ରହିଥିଲେ । ମଣ୍ଟି ପନିସର ମଧ୍ୟ ପ୍ରଭାବୀ ସାବ୍ୟସ୍ତ ହୋଇଥିଲେ ।