ରାଜସ୍ଥାନକୁ ଜିତାଇଲେ ସଞ୍ଜୁ ସାମସନ

ଆଇପିଏଲର 45ତମ ମ୍ୟାଚରେ ରାଜସ୍ଥାନ ରୟାଲ୍ସ ସନରାଇଜର୍ସ ହାଇଦ୍ରାବାଦକୁ 7ୱିକେଟରେ ହରାଇଛି ।

ଜୟପୁର: ଆଇପିଏଲର 45ତମ ମ୍ୟାଚରେ ରାଜସ୍ଥାନ ରୟାଲ୍ସ 7ୱିକେଟରେ ସନରାଇଜର୍ସ ହାଇଦ୍ରାବାଦକୁ ହରାଇଛି । ସନରାଇଜର୍ସ ହାଇଦ୍ରାବାଦ ଦଳ ପ୍ରଥମେ ବ୍ୟାଟିଂ କରି 160 ରନ କରିଥିଲା । ହାଇଦ୍ରାବାଦ ପକ୍ଷରୁ ମନିଷ ପାଣ୍ଡେ 36 ବଲରୁ 9ଟି ଆକର୍ଷଣୀୟ ଚୈାକା ସହାୟତାରେ ସର୍ବାଧିକ 61 ରନ କରିଥିଲେ ।

161 ରନର ବିଜୟ ଲକ୍ଷକୁ ପିଛାକରି ରାଜସ୍ଥାନ ଭଲ ଆରମ୍ଭ କରିଥିଲା । ଅଜିଙ୍କ୍ୟ ରାହାଣେ ଧୈର୍ଯ୍ୟପୂର୍ଣ୍ଣ 39 ରନ ଓ ଲିଆମ ଲିଭିଙ୍ଗଷ୍ଟୋନ ବିଷ୍ଫୋରକ 26 ବଲରୁ 44 ରନ କରିଥିଲେ । ଶେଷପର୍ଯ୍ୟନ୍ତ ବ୍ୟାଟିଂ କରି ସଞ୍ଜୁ ସାମସନ 32 ବଲରୁ 4ଟି ଚୈାକା ଓ ଗୋଟିଏ ଛକା ସହ ଅପରାଜିତ 48 ରନ କରି ରାଜସ୍ଥାନକୁ ବିଜୟୀ କରାଇଥିଲେ । ଫଳରେ ପଏଣ୍ଟ ଟେବୁଲରେ ପଞ୍ଜାବ, ହାଇଦ୍ରାବାଦ ସହ ରାଜସ୍ଥାନ ରୟାଲ୍ସ ସମାନ10ପଏଣ୍ଟ ସହିତ ପଏଣ୍ଟ ବରାବର କରିଛି ।