ଫରିଦାବାଦ: କଠିନ ପରିଶ୍ରମ ଓ ନିଷ୍ଠାର ସହ ସଫଳ ପ୍ରଦର୍ଶନ ସଫଳତା ଆଡକୁ ବାଡ କଢାଏ । ଏହାର ଜ୍ବଳନ୍ତ ଉଦାହରଣ ଦେଖାଯାଇଛି ହରିୟାଣାର ଯୁବ ଅଲରାଉଣ୍ଡର ରାହୁଲ ତେୱାତିଆଙ୍କୁ କ୍ଷେତ୍ରରେ । କ୍ରିକେଟରେ ସଫଳ ହେବାର ସ୍ବପ୍ନ ନେଇ ହରିୟାଣାର ସିହି ଗ୍ରାମରୁ ବାହାରିଥିବା ଖେଳାଳି ରାହୁଲ ନିଜ କ୍ରିକେଟ କ୍ୟାରିୟରର ସର୍ବଶ୍ରେଷ୍ଠ ସ୍ବପ୍ନ ପୂରଣ କରିବାକୁ ଯାଉଛନ୍ତି । ଇଂଲଣ୍ଡ ବିପକ୍ଷ ଟି20 ସିରିଜ ପାଇଁ ଘୋଷଣା ହୋଇଥିବା 19 ଜଣିଆ ଭାରତୀୟ ଦଳରେ ତେୱାତିଆଙ୍କୁ ସ୍ଥାନ ମିଳିଛି ।
ଭାରତୀୟ ଦଳରେ ରାହୁଲ ତେୱାତିଆ, ଖୁସିରେ ଆତ୍ମହରା ପରିବାର
ମୁଣ୍ଡରେ ତ୍ରିରଙ୍ଗା, ଛାତିରେ ଭାରତୀୟ କ୍ରିକେଟ ବୋର୍ଡର ଚିହ୍ନ ଓ ଦେହରେ ଭାରତୀୟ କ୍ରିକେଟ ଟିମର ନୀଳ ଜର୍ସି ପିନ୍ଧିବାକୁ ଅଗଣିତ ଯୁବ ଭାରତୀୟ କ୍ରିକେଟରଙ୍କ ସ୍ବପ୍ନ ଥାଏ । ତେବେ ଦେଶ ପାଇଁ ଖେଳିବାର ସ୍ବପ୍ନ ସାକାର କେତେ ଜଣଙ୍କ ଭାଗ୍ୟରେ ହୋଇଥାଏ । ସେମାନଙ୍କ ଭିତରେ ସୌଭାଗ୍ୟଶାଳୀ ନିଶ୍ଚୟ ରାହୁଲ ।