ଦୁବାଇ: ବିଶ୍ବକପ ପାଇଁ ୨୩ ଜଣିଆ ସମ୍ଭାବ୍ୟ ଦଳ ଘୋଷଣା କରିଛି ପାକିସ୍ତାନ କ୍ରିକେଟ ବୋର୍ଡ। ତେବେ ଫିଟନେସ ଟେଷ୍ଟ ପାଇଁ ଏହି 23 ଜଣିଆ ଦଳ ଘୋଷିତ ହୋଇଥିବା ସୂଚନା ଦେଇଛି ପିସିବି। ମେ 30ରୁ ଇଂଲଣ୍ଡ ଓ ୱେଲ୍ସରେ ଆରମ୍ଭ ହେବ ଆଇସିସି ବିଶ୍ୱକପ୍ ଟୁର୍ଣ୍ଣାମେଣ୍ଟ।
ତେବେ ଏକ ପ୍ରେସ ବିଜ୍ଞପ୍ତିରେ ପିସିବି କହିଛି, ଏହି ଫିଟନେସ୍ ଟେଷ୍ଟ ଏପ୍ରିଲ ୧୫ ଓ ୧୬ ତାରିଖରେ ଲାହୋର ନ୍ୟାସନାଲ କ୍ରିକେଟ୍ ଏକାଡେମୀରେ ଆୟୋଜିତ ହେବ। ଏହା ପରେ ଏପ୍ରିଲ 18ତାରିଖେର ବିଶ୍ବକପ ପାଇଁ ୧୫ ଜଣିଆ ଦଳ ଘୋଷଣା ହୋଇପାରେ।
ସୂଚନାଯୋଗ୍ୟ, ପାକିସ୍ତାନ କ୍ରିକେଟ ଟିମ୍ ଆସନ୍ତା ୨୩ ତାରିଖରେ ଇଂଲଣ୍ଡ ଅଭିମୁଖେ ଗସ୍ତ କରିବ । ବିଶ୍ବକପ ପୂର୍ବରୁ ପାକିସ୍ତାନ ସେଠାରେ ଇଂଲଣ୍ଡ ବିପକ୍ଷ ପାଞ୍ଚମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳିବ
।
ପାକିସ୍ତାନ ସମ୍ଭାବ୍ୟ ଦଳ: ସର୍ଫରାଜ ଅହମ୍ମଦ (ଅଧିନାୟକ), ଆବିଦ୍ ଅଲୀ, ଆସିଫ୍ ଅଲୀ, ଫହୀମ୍ ଅସରଫ୍, ଫକର ଜମାନ୍, ହାରିସ୍ ସୋହେଲ୍, ହାସାନ୍ ଅଲୀ, ଇମାଦ ୱାସିମ, ଇମାମ-ଉଲ-ହକ୍, ଜୁନେଦ୍ ଖାନ୍, ମହମ୍ମଦ ଆବାସ, ମହମ୍ମଦ ଆମୀର, ମହମ୍ମଦ ହଫିଜ୍, ମହମ୍ମନ ହସନେନ୍, ମହମ୍ମଦ ନୱାଜ, ମହମ୍ମଦ ରିଜୱାନ୍, ଶାଦାବ ଖାନ୍, ଶାହୀନ ଶାହ ଆଫ୍ରିଦି, ଶାନ୍ ମସୁଦ୍, ଶୋହେବ୍ ମଲିକ୍, ଉସାମନ୍ ଶିନୱାରୀ, ୟାସିର୍ ଶାହ।