ଓସିଏର ଭିଜନ 2024: ଜିଲ୍ଲା ଗ୍ରାଉଣ୍ଡ ଯାଞ୍ଚ ଆରମ୍ଭ

ଓସିଏର ଭିଜନ 2024 । ଜିଲ୍ଲା ଗ୍ରାଉଣ୍ଡ ଯାଞ୍ଚ ଆରମ୍ଭ କଲା ଓସିଏର ଗ୍ରାଉଣ୍ଡ ଟେକନିକାଲ କମିଟି । ଅଧିକ ପଢନ୍ତୁ...

କଟକ:ଭିଜନ 2024 ପାଇଁ ଅଣ୍ଟା ଭିଡୁଛି ଓସିଏ । ଆଜି ରାଜ୍ୟର ବିଭିନ୍ନ ଜିଲ୍ଲା ବୁଲି ସେଠାରେ ଥିବା ମୁଖ୍ୟ ଗ୍ରାଉଣ୍ଡର ଯାଞ୍ଚ କରିଛି ଓସିଏର ଗ୍ରାଉଣ୍ଡ ଟେକନିକାଲ କମିଟି । ଗ୍ରାଉଣ୍ଡର ମାନ କିପରି ରହିଛି, ମ୍ୟାଚ ହୋଇ ପାରିବ କି ନାହିଁ ତାହା ଯାଞ୍ଚ କରିଛି କମିଟି। ଜିଲ୍ଲାସ୍ତରରେ କ୍ରିକେଟକୁ ଆହୁରି ମଜଭୁତ କରିବାପାଇଁ ଓସିଏ ରଖିଛି ଟାର୍ଗେଟ ।

ତେବେ କ୍ରିକେଟ ପୂର୍ବରୁ ଗ୍ରାଉଣ୍ଡ ଠିକ ରହିଛି କି ନାହିଁ ତାହା ବି ଯାଞ୍ଚ କରିବା ନିତାନ୍ତ ଆବଶ୍ୟକ । ତେଣୁ ଓସିଏର ଏହି କମିଟି ଆଜି(ଶନିବାର) ପଡିଆକୁ ପୁଙ୍ଖାନୁପୁଙ୍ଖ ଭାବରେ ଯାଞ୍ଚ କରିଛି । ବିଶେଷ ଭାବରେ ଗଞ୍ଜାମ, ଗଜପତି, କଳାହାଣ୍ଡି ଓ ପୁରୀର ଗ୍ରାଉଣ୍ଡର ମାନ ଯାଞ୍ଚ ହୋଇଛି । ତେବେ ଓସିଏର ଏହି କମିଟିରେ ରହିଛନ୍ତି ଧୀରେନ ପଲେଇ, ଦେବାଶିଷ ପାଢ଼ୀ ଓ ଅନ୍ୟାନ୍ୟ ସଦସ୍ୟ ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ