ହାଇଦ୍ରାବାଦ: ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି କରୋନାଭାଇରସ ମହାମାରୀ ହେତୁ ଚାଲିଥିବା ଲକଡାଉନ ସମୟରେ ଏକ ଲୋ ପ୍ରୋଫାଇଲ ବଜାୟ ରଖିଛନ୍ତି । ବର୍ତ୍ତମାନର ତଥା ପୂର୍ବତନ ଭାରତୀୟ କ୍ରିକେଟ ତାରକାମାନେ ସୋସିଆଲ ମିଡିଆରେ ଫ୍ୟାନ୍ସଙ୍କ ସହ ଜୋଡି ହେବା କିମ୍ବା କ୍ରିକେଟ ଏବଂ ଅନ୍ୟାନ୍ୟ ପ୍ରସଙ୍ଗରେ ସେମାନଙ୍କ ମତାମତ ବିଷୟରେ ଆଲୋଚନା କରିଥିବା ବେଳେ ଧୋନି ସମ୍ପୂର୍ଣ୍ଣ ନିରବ ରହିଛନ୍ତି।
ତାଙ୍କ ଭବିଷ୍ୟତ ବିଷୟରେ ମଧ୍ୟ ଅନେକ ଆଲୋଚନା ହୋଇଛି । ଧୋନି ଇଣ୍ଡିଆନ ପ୍ରିମିୟର ଲିଗରେ ଚେନ୍ନାଇ ସୁପର କିଙ୍ଗ୍ସର ନେତୃତ୍ବ ନେବେ ଏବଂ ଟି-20 ବିଶ୍ବକପ ପାଇଁ ଭାରତୀୟ ଦଳରେ ସ୍ଥାନ ପାଇବେ ବୋଲି ଆଶା କରାଯାଉଥିଲା । କିନ୍ତୁ ଆଇପିଏଲ ବର୍ତ୍ତମାନ ପାଇଁ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ଥିବାବେଳେ ଆଇସିସି ଖୁବ ଶୀଘ୍ର ଅକ୍ଟୋବର-ନଭେମ୍ବରରେ ଅଷ୍ଟ୍ରେଲିଆରେ ଖେଳାଯିବାକୁ ଥିବା ଟି-20 ବିଶ୍ବକପର ଭାଗ୍ୟ ଉପରେ ଏକ ନିଷ୍ପତ୍ତି ନେବ ବୋଲି ଆଶା କରାଯାଉଛି।