ପୁଣି ସିଡନୀ ଗ୍ରାଉଣ୍ଡରେ ସିରାଜଙ୍କୁ ଜାତିଆଣ ଆକ୍ଷେପ, କ୍ଷମା ମାଗିଲା ସିଏ

4ର୍ଥ ଦିନ ମ୍ୟାଚର ଟି ବ୍ରେକର କିଛି ସମୟ ପୂର୍ବେ ମହମ୍ମଦ ସିରାଜଙ୍କୁ ଦର୍ଶକମାନେ ଅପଶବ୍ଦ କହିଥିଲେ । ସିରାଜ ତୁରନ୍ତ ଅଧିନାୟକ ରହାଣେଙ୍କୁ ଏନେଇ ସୂଚନା ଦେଇଥିଲେ ।

ହାଇଦ୍ରାବାଦ: ଅଷ୍ଟ୍ରେଲିଆର ସିଡନୀ କ୍ରିକେଟ ଗ୍ରାଉଣ୍ଡରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ଟେଷ୍ଟ ମ୍ୟାଚରେ ପୁଣି ଷ୍ଟାଡିୟମରେ ଅପ୍ରୀତିକର ପରିସ୍ଥିତ ଦେଖିବାକୁ ମିଳିଥିଲା । 4ର୍ଥ ଦିନ ମ୍ୟାଚର ଟି ବ୍ରେକର କିଛି ସମୟ ପୂର୍ବେ ମହମ୍ମଦ ସିରାଜଙ୍କୁ ଦର୍ଶକମାନେ ଅପଶବ୍ଦ କହିଥିଲେ । ସିରାଜ ତୁରନ୍ତ ଅଧିନାୟକ ରାହାଣେଙ୍କୁ ଏନେଇ ସୂଚନା ଦେଇଥିଲେ ।

ଅଧିନାୟକ ସ୍ଥିତିର ଗମ୍ଭୀରତାକୁ ଦେଖି ଅମ୍ପାୟର ପଲ ରାଫେଲଙ୍କୁ ଏନେଇ କହିଥିଲେ । ପଲ୍‌ ମ୍ୟାଚ ରେଫରୀଙ୍କୁ ସୂଚନା ଦେବା ପରେ ସୁରକ୍ଷାକର୍ମୀମାନେ ଉକ୍ତ ବ୍ୟକ୍ତିମାନଙ୍କୁ ଷ୍ଟାଡିୟମ ବାହାରକୁ ନେଇ ଯାଇଥିଲେ ।

ଏହି ଘଟଣା କାରଣରୁ ପ୍ରାୟ 10 ମିନିଟ୍‌ ଯାଏଁ ଖେଳ ବନ୍ଦ ରହିଥିଲା । ତେବେ ଏହି ଘଟଣା ପରେ ସିଏ ଘଟଣାକୁ ନେଇ କ୍ଷମା ପ୍ରାର୍ଥନା କରିବା ସହ ଘଟଣାରେ ସମ୍ପୃକ୍ତ ବ୍ୟକ୍ତିମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ।