ଅଶ୍ବିନଙ୍କୁ ଛାଡିବନି କିଙ୍ଗ୍ସ ଏକାଦଶ ପଞ୍ଜାବ

ଦିଲ୍ଲୀ କ୍ୟାପିଟାଲ୍ସରୁ ନୁହେଁ ପୁଣିଥରେ କିଙ୍ଗ୍ସ ଏକାଦଶ ପଞ୍ଜାବ ପକ୍ଷରୁ ଆଇପିଏଲ ଖେଳିବେ ରବିଚନ୍ଦ୍ରନ ଅଶ୍ବିନ।

ନୂଆଦିଲ୍ଲୀ: ଦିଲ୍ଲୀ କ୍ୟାପିଟାଲ୍ସରୁ ନୁହେଁ ପୁଣିଥରେ କିଙ୍ଗ୍ସ ଏକାଦଶ ପଞ୍ଜାବ ପକ୍ଷରୁ ଆଇପିଏଲ ଖେଳିବେ ରବିଚନ୍ଦ୍ରନ ଅଶ୍ବିନ । ଏନେଇ କିଙ୍ଗସ୍ ଇଲେଭେନ୍ ପଞ୍ଜାବର ସହମାଲିକ ନେସ୍ ୱାଡିଆ ସୋମବାର ସ୍ପଷ୍ଟ କରିଛନ୍ତି ।

ସେ କହିଛନ୍ତି, " ଆମେ ଅଶ୍ବିନଙ୍କୁ ଦିଲ୍ଲୀ କ୍ୟାପିଟାଲ୍ସକୁ ଦେବା ପାଇଁ ଚିନ୍ତା କରିଥିଲୁ । ମାତ୍ର ନୂଆ କୋଚ୍ ଅନୀଲ କୁମ୍ବଲେ ଅଶ୍ବିନଙ୍କୁ ଟିମରେ ରଖିବାକୁ ଚାହୁଁଛନ୍ତି। " ଉଲ୍ଲେଖଥାଉ କି, ଅଶ୍ବିନ ଗତ ଦୁଇ ସିଜନରେ ପଞ୍ଜାବ ଟିମର କ୍ୟାପଟେନ୍ ରହି ଆସିଛନ୍ତି । ତାଙ୍କ ନେତୃତ୍ବରେ ଦଳର ପ୍ରଦର୍ଶନ ଭଲ କରି ଆସିଛି।

ତେବେ ୱାଡିଆ ପୁଣି କହିଛନ୍ତି, “ ବୋର୍ଡ ପୁନର୍ବିଚାର କରି ଏହି ନିଷ୍ପତି ନେଇଛି । ଅଶ୍ବିନ ଟିମର ଜଣେ ପ୍ରମୁଖ ସଦସ୍ୟ । ଦିଲ୍ଲୀ କ୍ୟାପିଟାଲ୍ସ ସହ ଚର୍ଚ୍ଚା ହୋଇଥିଲା, କିନ୍ତୁ ଏହାର କୌଣସି ପରିଣାମ ମିଳିନାହିଁ । ତେବେ ଚଳିତ ଟେଷ୍ଟ ସିରିଜରେ ଅଶ୍ବିନଙ୍କ ପ୍ରଦର୍ଶନ ଦେଖି କୋଚ ସନ୍ତୁଷ୍ଟ ଅଛନ୍ତି। ”