ଆବୁଧାବି: ଆଇପିଏଲର 21ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସକୁ 10ରନ୍ରେ ପରାସ୍ତ କରିଛି କୋଲକାତା ନାଇଟ ରାଇଡର୍ସ । ଏହି ମ୍ୟାଚରେ ଅର୍ଦ୍ଧଶତକୀୟ ଇଂନିସ ଖେଳିଥିବା କେକେଆରର ରାହୁଲ ତ୍ରିପାଠୀଙ୍କୁ ମ୍ୟାନ ଅଫ ଦି ମ୍ୟାଚ ମିଳିଛି । ବିଜୟ ପରେ କେକେଆର 6ପଏଣ୍ଟ ସହ ପଏଣ୍ଟ ଟେବୁଲରେ 3ୟ ସ୍ଥାନରେ ରହିଛି । ଅନ୍ୟପଟେ ଚେନ୍ନାଇ ଚଳିତ ଲିଗ୍ରେ 6ଟି ମ୍ୟାଚରୁ 4ଟିରେ ପରାଜୟର ସାମ୍ନା କରିଛି ।
ବୁଧବାର ଦିନ ଆବୁଧାବି ଗ୍ରାଉଣ୍ଡରେ କୋଲକାତା ନାଇଟ୍ ରାଇଡର୍ସ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା । ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ 10 ଓ୍ବିକେଟ ହରାଇ167 ରନ୍ ସଂଗ୍ରହ କରିଥିଲା । ତେବେ ଦଳ ପକ୍ଷରୁ ରାହୁଲ ତ୍ରିପାଠୀ 51ବଲ୍ରେ 81ରନ କରିଥିଲେ । ରାହୁଲଙ୍କ ବ୍ୟତୀତ ଶୁଭମାନ ଗିଲ11, ସୁନୀଲ ନାରିନ17, ନିତୀଶ ରାଣା 9, ଆନ୍ଦ୍ରେ ରସେଲ2, ଦିନେଶ କାର୍ତ୍ତିକ 12, ଇୟନ ମୋର୍ଗାନ 7, ପ୍ୟାଟ କମିନ୍ସ17, ବରୁଣ ଚକ୍ରବର୍ତ୍ତୀ 1 ଏବଂ କମଲେଶ ନାଗାର୍କୋଟି ଓ ଶିବମ ମାଭି 0ରନ୍ରେ ଆଉଟ ହୋଇଥିଲେ ।
ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ଡୱେନ ବ୍ରାଭୋ ସର୍ବାଧିକ 3 ଓ୍ବିକେଟ, ସାମ କୁରାନ,ଶାର୍ଦ୍ଦୁଲ ଠାକୁର ଓ କରଣ ଶର୍ମା 2ଟି ଲେଖାଏଁ ଓ୍ବିକେଟ ହାତେଇଥିଲେ ।