କୋଲକାତା: ଇଣ୍ଡିଆନ ପ୍ରିମିୟର ଲିଗ (ଆଇପିଏଲ) ଟିମ କୋଲାକାତା ନାଇଟ ରାଇଡର୍ସର ପ୍ରଶଂସକଙ୍କ ପାଇଁ ଖୁସି ଖବର । ନ୍ୟୁଜିଲାଣ୍ଡର ପୂର୍ବତନ କ୍ୟାପଟେନ ତଥା ଭେଟେରାନ କ୍ରିକେଟର ବ୍ରେଣ୍ଡନ ମ୍ୟାକୁଲମ କେକେଆରର ନୂଆ କୋଚ ଭାବେ ନିଯୁକ୍ତ ହୋଇଛନ୍ତି ।
ଏନେଇ କୋଲକାତା ନାଇଟ ରାଇଡର୍ସ ପକ୍ଷରୁ ଟ୍ବିଟ କରାଯାଇ ସୂଚନା ଦିଆଯାଇଛି । ପୂର୍ବରୁ ଜ୍ୟାକ କାଲିସ କୋଲାକାତା ନାଇଟ ରାଇଡର୍ସର କୋଚ ଥିଲେ । ସିଇଓ ଭେଙ୍କି ମାଇସୋର କହିଛନ୍ତି କାଲିସ କେକେଆର ପରିବାରର ଜଣେ ଗୁରୁତ୍ବପୂର୍ଣ୍ଣ ସଦସ୍ୟ ଥଲେ ଓ ରହିବେ ମଧ୍ୟ ।
ଏହି ନିଷ୍ପତ୍ତି ପରେ କାଲିସ କହିଛନ୍ତି " 2011 ପରଠାରୁ କେକେଆର ସହିତ 9ଟି ସଂସ୍କରଣରେ ରହିଛି । ଜଣେ ଖେଳାଳି ଭାବେ, ପରାମର୍ଶଦାତା ଭାବେ ମୁଖ୍ୟ କୋଚ ଭାବେ କର୍ତ୍ତବ୍ୟ କରିଛି ।" ଏବେ ସମୟ ଆସିଛି ନୂଆ ସୁଯୋଗକୁ ଆପଣେଇବା । ଏଥିସହିତ କାଲିସ ମ୍ୟାନେଜମେଣ୍ଟ, ମାଲିକ ଓ କେକେଆରର ଖେଳାଳିଙ୍କୁ ଧନ୍ୟବାଦ ଜଣାଇଛନ୍ତି ।
ମ୍ୟାକୁଲମ ନିକଟରେ କାନାଡାରେ ହେଉଥିବା ଗ୍ଳୋବାଲ ଟି-20ରେ କ୍ରିକେଟର ସବୁ ଫର୍ମାଟରୁ ଅବସର ଘୋଷଣା କରିଥିଲେ । 2016ରୁ ସେ ଅନ୍ତଜାତିୟ କ୍ରିକେଟରୁ ବିଦାୟ ନେଇଥିଲେ । ତେବେ ଟି-20 ଲିଗ ଖେଳିବା ଜାରି ରଖିଥିଲେ ।